नाशिकरोड भागात उद्या पाणीपुरवठा बंद

नाशिकरोड भागात उद्या पाणीपुरवठा बंद

नाशिक : नाशिकरोड जलशुद्धीकरण केंद्रास गंगापूर धरणातून पाणीपुरवठा करणाऱ्या पाइपलाइनला कॅनॉलरोड याठिकाणी गळती लागल्याने तसेच गांधीनगर जलशुद्धीकरण केंद्रातील व्हॉल्व दुरुस्ती करण्यात येणार असल्याने रविवार, दि. १ नोव्हेंबर रोजी नाशिकरोड विभागातील सर्व प्रभागांमध्ये दुपारी, सायंकाळी व रात्रीचा पाणीपुरवठा होणार नसल्याचे महापालिकेच्या पाणीपुरवठा विभागाने कळविले आहे. पूर्व विभागातीलही गांधीनगर जलकुंभावरून प्रभाग क्रमांक ३८ मधील विधातेनगर, रेणुकामातानगर, भागश: अशोकामार्ग, रॉयल कॉलनी, हॅपी होम कॉलनी, रझा कॉलनी, पखालरोड या भागातील रविवार, दि. १ नोव्हेंबरचा पाणीपुरवठा होणार नाही. त्याचबरोबर सोमवार, दि. २ नोव्हेंबर रोजी नाशिकरोड विभागातील सर्व प्रभागात आणि नाशिक पूर्व विभागातील प्रभाग क्रमांक ३१, ३७ आणि ३८ मधील पाणीपुरवठा कमी दाबाने होणार आहे.