निफाडला भुजबळ यांचे स्वागत

राष्ट्रवादीचे नेते व येवल्याचे आमदार छगन भुजबळ हे येवला येथे जात असताना त्यांचे निफाड येथे राष्ट्रवादी काँग्रेस, समता परिषद व समर्थकांनी जल्लोषात स्वागत केले. यावेळी भुजबळ यांच्या समवेत माजी खासदार समीर भुजबळ, आमदार पंकज भुजबळ, राष्ट्रवादीचे जिल्हाध्यक्ष रवींद्र पगार होते.

निफाड : राष्ट्रवादीचे नेते व येवल्याचे आमदार छगन भुजबळ हे येवला येथे जात असताना त्यांचे निफाड येथे राष्ट्रवादी काँग्रेस, समता परिषद व समर्थकांनी जल्लोषात स्वागत केले. यावेळी भुजबळ यांच्या समवेत माजी खासदार समीर भुजबळ, आमदार पंकज भुजबळ, राष्ट्रवादीचे जिल्हाध्यक्ष रवींद्र पगार होते.  निफाड येथील शांतीनगर चौफुलीवर छगन भुजबळ यांचे आगमन झाल्यानंतर फटाक्यांची आतषबाजी करण्यात आली. यावेळी भुजबळ समर्थकांनी त्यांच्या समर्थनार्थ जोरदार घोषणाबाजी केली. येथे उभारलेल्या एका छोट्याशा व्यासपीठावर भुजबळ यांनी स्वागतासाठी उपस्थित सर्वांचे आभार मानून असेच प्रेम यापुढेही असू द्या असे आवाहन केले. यावेळी छगन भुजबळ यांचे माजी आमदार दिलीप बनकर, राष्ट्रवादीचे तालुकाध्यक्ष अनिल कुंदे, सुभाष कराड, सुनील निकाळे, सागर कुंदे, समीर खैरे, विलास बोरस्ते, भाऊसाहेब भवर, सुरेश खोडे,अश्विनी मोगल , देवदत्त कापसे, दिलीप कापसे आदींनी भुजबळ यांचे निफाड तालुक्याच्या वतीने स्वागत केले.  दरम्यान, विचूंर, देशमाने, चितेगाव फाटा येथेही कार्यकर्त्यांनी भुजबळ यांचे स्वागत केले.