नाशिक : महिलांचे दागिने लुटून नेण्याचे सत्र सुरूच असून आनंदवन कॉलनीतील महिलेची सोनसाखळी दुचाकीस्वारांनी खेचून नेली़ मीना रत्नाकर येवले (५०, सखाराम निवास, येवलेकर मळा) या शुक्रवारी दुपारी तीन वाजेच्या सुमारास बॉईजटाऊन हायस्कूलशेजारील आनंदवन कॉलनीतून पायी जात होत्या़ त्यावेळी पाठीमागून दुचाकीवर आलेल्या दोघांनी जवळ येऊन गळ्यातील साठ हजार रुपये किमतीची चार तोळे वजनाची सोन्याची पोत खेचून नेली़ या प्रकरणी येवले यांनी दिलेल्या फिर्यादीवरून गंगापूर पोलिसांनी दोघांविरुद्ध जबरी लुटीचा गुन्हा दाखल केला आहे़ (प्रतिनिधी)
पायी जाणाऱ्या महिलेची सोनसाखळी खेचली
By admin | Published: September 14, 2014 12:44 AM