गिरणा बंधाऱ्यात बुडून तरुणाचा मृत्यू

मालेगाव : शहरातील आयेशानगर भागात असलेल्या बिस्मिल्लानगरात राहणाऱ्या शेख शहजाद शेख असलम (१६) या तरुणाचा गिरणा बंधाऱ्यात बुडाल्याने मृत्यू झाला. किल्ला पोलिसांत अकस्मात मृत्यूची नोंद करण्यात आली. शहरातील आयेशानगरातील चार मुले दुपारी तीन वाजेच्या सुमारास गिरणा बंधाऱ्यात आंघोळीसाठी गेले होते. त्यापैकी तीन जण बंधाऱ्यात पाेहत होते तर शहजाद शेख हा गिरणा पुलावर मोबाइल बघत होता. अचानक त्याने गिरणा पुलावरून बंधाऱ्यात आंघोळीसाठी सूर मारला तो परत आलाच नाही. तिघा मित्रांनी त्याला वाचविण्याचा प्रयत्न केला. मात्र, तो मिळून आला नाही. म्हणून नागरिकांनी सामाजिक कार्यकर्ते शफिक ॲण्टीकरप्शन यांना कळविले. त्यांनी अग्निशमन विभागाचे शकील तैराकी याला फोन करून बोलविले; परंतु दीड तास प्रयत्न करूनही तो मिळून आला नाही. किल्ला पोलिसांनीही त्याचा शोध घेतला त्याचा मृतदेह मिळाल्यानंतर सामान्य रुग्णालयात नेण्यात आले. तेथे नगरसेवक सगीर मेंबर यांना फोनने कळविले, त्यानंतर त्याच्या आई-वडिलांना माहिती देण्यात आली. किल्ला पोलिसांनी पंचनामा करून अकस्मात मृत्यूची नोंद केली. रात्री उशिरा त्याचा दफनविधी करण्यात आला.