आहुर्लीत वीज पडून तरूणी ठार

नांदूरवैद्य: इगतपुरी तालुक्यातील आहुर्ली येथे गुरुवारी ( दि.१० ) सायंकाळी अंगावर वीज पडून तरूणीचा मृत्यू झाला. सायंकाळ दरम्यान विजांचा जोरदार कडकडाट सुरू होता. शेतावर चरण्यासाठी गेलेल्या जनावरांना आणण्यासाठी गेलेल्या आरती हिरामण गायकर ( वय १७ ) या तरुणीचा वीज अंगावर पडल्याने जागीच मृत्यू झाला. घटनेची माहिती मिळताच हवालदार सुहास गोसावी यांनी घटनास्थळी भेट देत गावकऱ्यांसमोर पंचनामा केला. याबाबत घोटी पोलीस ठाण्यात आकस्मिक मृत्यूची नोंद करण्यात आली आहे.