अपघातात युवक ठार

अपघातात युवक ठार

सातपूर : दुचाकी चालकाच्या पाठीमागे बसलेल्या युवकास अपघात होऊन तो आयशरच्या चाकाखाली सापडून त्याचा दुर्दैवी मृत्यू झाल्याची घटना शनिवारी (दि़१९) दुपारी श्रमिकनगरमधील महिंद्रा अ‍ॅण्ड महिंद्रा कंपनीच्या गेटसमोर घडली़ मयत युवकाची ओळख पटली नसून दुचाकीचालक फरार झाला आहे़ या अपघात प्रकरणी सातपूर पोलिसांनी आयशर वाहन जप्त केले असून, चालकास ताब्यात घेतले आहे़ दुपारी ४ वाजेच्या सुमारास त्र्यंबक गंगापूर लिंकरोडने दुचाकीवरून दोघे जण जात होते़ महिंद्रा कंपनीच्या गेटसमोर एका वाहनाने दिलेल्या धक्क्यामुळे या दुचाकीच्या पाठीमागे बसलेला युवक खाली पडला़ त्याचवेळी शिवाजीनगरकडून त्र्यंबकरोडकडे येणाऱ्या आयशर (एमएच ०६, जी ४६२३) वाहनचालकाने या युवकास ब्रेक मारून वाचविण्याचा आटोकाट प्रयत्न केला; मात्र तो आयशरच्या मागच्या चाकाखाली सापडल्याने त्याचा जागीच मृत्यू झाला़मयत युवकाचा चेहराच चिरडला गेल्याने रात्री उशिरापर्यंत या युवकाची ओळख पटलेली नव्हती़ साधारणत: या युवकाचे वय ३१ वर्षे असल्याचा अंदाज पोलिसांनी वर्तविला असून, मृतदेह शवविच्छेदनासाठी जिल्हा रुग्णालयात पाठविण्यात आला आहे़ पोलीस अधिक तपास करीत आहेत. (वार्ताहर)