मध्य प्रदेशात बस आणि कारचा भीषण अपघात; ११ जणांचा मृत्यू

बैतुल जिल्ह्यातील झाल्लार पोलीस स्टेशन परिसरात बस आणि कारची समोरासमोर धडक बसली.

बैतुल :  मध्य प्रदेशात मोठी दुर्घटना घडली आहे. येथील बेतुलमध्ये बस आणि कारचा भीषण अपघात झाला. या अपघातात ११ जणांचा मृत्यू झाल्याचे सांगण्यात येत आहे. तर एक जण जखमी असून त्याच्यावर जवळच्या रुग्णलयात उपचार सुरु आहेत.

मिळालेल्या माहितीनुसार, मध्य प्रदेशातील बैतुल येथे आज पहाटे भीषण अपघात झाला. बैतूल जिल्ह्यातील झाल्लार पोलीस स्टेशन परिसरात बस आणि कारची समोरासमोर धडक बसली. यात ११ जणांचा मृत्यू झाला, तर या अपघातात एक प्रवासी जखमी झाला असून त्याला उपचारासाठी रुग्णालयात दाखल करण्यात आले आहे. बैतूलचे एसपी सिमला प्रसाद यांनी या अपघाताची माहिती दिली आहे.

Betul, Madhya Pradesh | 11 people died in a bus accident which collided with a car near Jhallar police station. One injured person has been admitted to a hospital: SP Betul Simala Prasad pic.twitter.com/aNPQmt5VIF

— ANI MP/CG/Rajasthan (@ANI_MP_CG_RJ) November 4, 2022

दरम्यान, एएनआय या वृत्तसंस्थेने या अपघाताचे फोटो प्रसिद्ध केले आहे, ज्यामध्ये बस आणि कारची समोरासमोर टक्कर झाल्याचे आणि कारचा चक्काचूर झाल्याचे दिसत आहे. कारमधील बहुतांश प्रवाशांचा मृत्यू झाल्याचे समजते. बसच्या फक्त पुढील भागाचे नुकसान झाला आहे.