फेसबुकवर मैत्री, कुटुंबाच्या भेटीच्या बहाण्यानं तरुणीला बोलावलं; जंगलात २५ जणांनी केला बलात्कार 

पोलिसांनी २५ जणांविरोधात दाखल केला गुन्हा; अद्याप कोणालाही अटक नाही

पलवल: हरयाणाच्या पलवलमध्ये एक अतिशय धक्कादायक घटना घडली आहे. दिल्लीपासून ७० किलोमीटर अंतरावर असलेल्या पलवल जिल्यात २५ जणांनी एका तरुणीवर बलात्कार केला आहे. फेसबुकवर मैत्री करून एकानं तरुणीला होडल येथे बोलावलं होतं. त्यानंतर तिचं अपहरण करण्यात आलं. रामगढच्या जंगलात नेऊन तिच्यावर रात्रभर सामूहिक बलात्कार करण्यात आला.विनापास प्रवास करणाऱ्या पृथ्वी शॉला आंबोलीत रोखलं; पास आल्यानंतर तासाभरानं सोडलंसकाळ झाल्यानंतर तरुणांनी तिला भंगारवाल्याकडे सोडलं. तिथे पुन्हा तिच्यावर सामूहिक बलात्कार झाला. यानंतर तरुणीची प्रकृती बिघडली. त्यामुळे आरोपींनी तिला बदरपूर सीमेवर सोडलं आणि ते फरार झाले. पोलिसांनी या प्रकरणात २५ जणांविरोधात अपहरण आणि सामूहिक बलात्काराचा गुन्हा दाखल केला आहे. ही घटना ३ मे रोजी घडली आहे. लाजिरवाणी घटना! कोरोनाबाधित पती, आईची काळजी घेणाऱ्या महिलेचा वॉर्डबॉयने केला लैंगिक छळ फेसबुकच्या माध्यमातून मित्र झालेल्या सागर नावाच्या तरुणानं आपल्याला रामगढला बोलावलं होती अशी माहिती पीडित तरुणीनं तपास अधिकारी एएसआय रचना यांना दिली. 'रामगढचा निवासी असलेल्या सागरनं पीडितेला ३ मे रोजी लग्नासाठी होडलला बोलावलं. लग्नाला आल्यावर तुझी कुटुंबियांशी भेट घालून देतो, असं सागरनं पीडितेला सांगितलं. पीडिता होडलला भेटल्यानंतर सागर तिला रामगढ गावाजवळ असलेल्या जंगलात घेऊन गेला. तिथे सागरचा भाऊ समुद्र आणि २०-२२ तरुण पोहोचले,' असं रचना यांनी सांगितलं.होडलला भेटल्यानंतर सागर जबरदस्तीनं पीडितेला जंगलात घेऊन गेला. तिथे असलेल्या सागरच्या भावानं आणि २०-२२ जणांनी तिच्यावर सामूहिक बलात्कार केला. त्यानंतर सकाळी आरोपी तिला गावाच्या जवळ असलेल्या आकाश भंगारवाल्याकडे घेऊन गेले. त्या ठिकाणी आकाश आणि त्याच्या मित्रांनीदेखील तिच्यावर बलात्कार केला. यामुळे पीडित तरूणी चालण्याच्या स्थितीतही नव्हती. यानंतर सागर आणि त्याच्या तीन मित्रांनी तिला गाडीतून बदरपूर सीमेवर सोडलं.