जम्मूतील अखनूरमध्ये दहशतवादी हल्ला, ३ मृत्यूमुखी

जम्मू-काश्मीरमधील अखनूर सेक्टरमध्ये दहशतवाद्यांनी इंजिनिअरिंग फोर्सच्या कॅम्पवर केलेल्या हल्ल्यात ३ जणांना प्रा ण गमावावे लागले.

ऑनलाइन लोकमत

श्रीनगर, दि. ९ - जम्मू-काश्मीरमधील अखनूर जिल्ह्यातील जौरियन येथे दहशतवाद्यांनी जनरल रिझर्व्ह इंजिनिअरिंग फोर्सच्या (GREF) कॅम्पवर हल्ला केला आहे. या हल्ल्यात ३ जणांना प्राण गमवावे लागल्याचे वृत्त आहे.

काश्मीरमधील धुकं आणि अंधाराचा फायदा घेऊन दहशतवद्यांनी सोमवारी पहाटे हा हल्ला केल्याचे समजते. गोळीबाराचे आवाज ऐकू येताच लष्कराच्या जवानांनी संपूर्ण परिसराला घेराव घातला असून दहशतवाद्यांचा शोध सुरू आहे. जीआरईएफचा हा कॅम्प नियंत्रण रेषेपासून (एलओसी) अवघ्या २ किलमोमीटर अंतरावर आहे. दरम्यान या संपूर्ण परिसरात हाय अलर्ट घोषित करण्यात आला आहे. 

 #FLASH J&K: Gun shots heard near General Reserve Engineer Force (GREF) camp in Akhnoor. More details awaited.— ANI (@ANI_news) 9 January 2017

#FLASH J&K: Three GREF personnel have lost their lives in attack on GREF camp in Akhnoor; area cordoned off.— ANI (@ANI_news) 9 January 2017

गेल्या वर्षी दहशतवाद्यांनी सप्टेंबर महिन्यात उरी सेक्टरमधील लष्करी तळावर मोठ्या प्रमाणात केलेल्या हल्ल्यात १८ जवान शहीद झाले होते. त्यानंतर भारतीय जवानांनी पाकव्याप्त काश्मीरमध्ये घुसून सर्जिकल स्ट्राईक करत दहशतवाद्यांचे तळ उध्वस्त करत अनेक दहशतवाद्यांना कंठस्नान घातले. मात्र त्यानंतर अवघ्या महिन्याभरात, पुन्हा नोव्हेंबर महिन्यात दहशतवाद्यांनी नगरोटा येथील लष्करी तळाला लक्ष्य करत हल्ला केला, ज्यामध्ये ७ जवान हुतात्मा झाले.