हृदयद्रावक! विजेचा शॉक लागून एकाच कुटुंबातील 6 जणांचा मृत्यू; एकाला वाचवण्यात 5 जणांनीही गमावला जीव

6 people of a family died due to electrocution : विजेचा शॉक लागल्याने एकाच कुटुंबातील सहा जणांचा मृत्यू झाल्याची भयंकर घटना घडली आहे.

नवी दिल्ली - देश कोरोनाच्या महाभयंकर संकटाचा सामना करत असताना अनेक धक्कादायक घटना समोर येत आहेत. अशीच एक मन हेलावून टाकणारी घटना घडली आहे. विजेचा शॉक (Electric Shock) लागल्याने एकाच कुटुंबातील सहा जणांचा मृत्यू झाल्याची भयंकर घटना घडली आहे. मध्य प्रदेशच्या (Madhya Pradesh) छतरपूर जिल्ह्यातील महुआ झाला परिसरात हृदयद्रावक घटना घडली. मिळालेल्या माहितीनुसार, कुटुंबातील एक तरुण पाण्याचा टँक सुरू करण्यासाठी पाण्याच्या मोठ्या टाकीत उतरला होता. याच दरम्यान विजेचा शॉक लागल्याने मृत्यू झाला. 

पाण्याच्या टाकीमध्ये अंधार असल्याने विजेची व्यवस्था करण्यात आली आणि याचमुळे तरुणाला शॉक लागला. विजेचा शॉक लागलेल्या तरुण जोरात ओरडला. त्याचा आवाज ऐकून घरातील दुसरे सदस्यदेखील टाकीजवळ आले. त्याला वाचवण्यासाठी पाण्यात उतरले. तरुणाला वाचवण्यासाठी पाण्यात उतरलेल्या सात जणांना विजेचा शॉक लागला असून यातील सहा जणांचा मृत्यू झाला. तर एकाची प्रकृती गंभीर असून त्याच्यावर सध्या रुग्णालयात उपचार सुरू आहेत. 

Madhya Pradesh | 6 people of a family died due to electrocution in the Bijawar area Chhatarpur. They were engaged in cleaning a tank: Sub Divisional Police Officer Sitaram Avasya, Bijawar

— ANI (@ANI) July 11, 2021

घटनेची माहिती मिळताच पोलीस घटनास्थळी दाखल झाले आहेत. तर मृतदेह हे शवविच्छेदनासाठी पाठवण्यात आले आहेत. एकाच कुटुंबातील सहा जणांचा मृत्यू झाल्याने संपूर्ण गावावर शोककळ पसरली आहे. लक्ष्मण अहिरवार यांचा मुलगा रमुआ (55), शंकर अहिरवार यांचा मुलगा हल्ली अहिरवार (35), मिलन अहिरवार यांचा मुलगा हल्लू (25), नरेंद्र यांचे वडील जगन अहिरवार (20), रामप्रसाद यांचा मुलगा हल्ली अहिरवार (30), विजय यांचा मुलगा जगन अहिरवार (20) अशी या घटनेत मृत्यू झालेल्यांची नावं आहेत. या घटनेनं परिसरात एकच खळबळ उडाली आहे. एका हिंदी वेबसाईटने याबाबतचे वृत्त दिले आहे. 

विकृतीचा कळस! पोलीस अधिकाऱ्याच्या मुलीचे फोटो मॉर्फ करून पॉर्न वेबसाईटवर केले अपलोड#crime#crimenews#Police#TMC#BJP#Politicshttps://t.co/3OlZZyPvJP

— Lokmat (@MiLOKMAT) July 11, 2021

भयंकर! पॉर्न साईटवर अपलोड केला पोलिसाच्या मुलीचा फोटो अन् नंबर; नेत्याच्या मुलावर गंभीर आरोप

पश्चिम बंगालच्या हुगळी जिल्ह्यात माणुसकीला काळीमा फासणारी एक घटना घडली आहे. जिल्ह्यातील तृणमूल काँग्रेसच्या एका स्थानिक नेत्याच्या मुलावर गंभीर आरोप करण्यात आले आहेत. मुलाने पोलीस अधिकाऱ्याच्या मुलीचे फोटो मॉर्फ करून पॉर्न वेबसाईटवर अपलोड केले आहेत. इतकंच नाही तर त्याने मुलीचा फोन नंबरही या साईटवर अपलोड केला होता. अधिकाऱ्यांनी दिलेल्या माहितीनुसार, ही मुलगी आणि आरोपी यांची आधीपासूनच ओळख होती. मुलीच्या कुटुंबीयांनी जून महिन्यातच बिधाननगर पोलिसांत तक्रार दाखल केली होती. मात्र पोलिसांनी शनिवारी आयटी एक्ट अंतर्गत गुन्हा दाखल करून घेतला.

धक्कादायक! "हे लोक विटा आणि दगडफेक करताहेत, त्यांनी मला थोबाडीतही मारली; हे भाजपाचे कार्यकर्ते आहेत"#Crime#crimenews#Police#BJPhttps://t.co/wNOkfdWVRD

— Lokmat (@MiLOKMAT) July 11, 2021