"शिल्पा शेट्टी आणि राज कुंद्रा हे रामदेव बाबांचे शिष्य... तरीही लक्ष्य विचलित झालंच" 

Shilpa Shetty Husband Raj kundra Arrest : शिल्पा शेट्टी आणि राज कुंद्राला सणसणीत टोला लगावला आहे.

नवी दिल्ली - अश्लील फिल्म बनविणे (Porn Film) आणि त्यांचे काही अ‍ॅपद्वारे वितरण करणे या प्रकरणी बॉलिवुडची प्रसिद्ध अभिनेत्री शिल्पा शेट्टीचा (Shilpa Shetty) पती उद्योगपती राज कुंद्राला (Raj Kundra) मुंबई पोलिसांनी अटक केली आहे. सोमवारी चौकशी अंती ही कारवाई करण्यात आली आहे. उद्योजक राज कुंद्रा यांच्या विआन इंडस्ट्रीजमध्ये व्यवस्थापकीय संचालक आहे. त्यांच्या विरोधात पुरेसे पुरावे हाती लागल्यानंतर सोमवारी त्यांच्याकड़े चौकशी करण्यात आली. चौकशीअंती सोमवारी रात्री त्यांच्यावर अटकेची कारवाई करण्यात आली आहे. त्यांच्या अटकेच्या वृत्ताला पोलीस आयुक्त हेमंत नगराळे यांनी दुजोरा दिला आहे. 

काँग्रेसच्या एका नेत्याने यावरून आता शिल्पा शेट्टी आणि राज कुंद्राला सणसणीत टोला लगावला आहे. "शिल्पा शेट्टी आणि राज कुंद्रा हे बाबा रामदेव यांचे शिष्य, तरीही लक्ष्य विचलित झालंच" असं म्हणत जोरदार निशाणा साधला आहे. आचार्य प्रमोद (Acharya Pramod) यांनी आपल्या ट्विटर अकाऊंटवरून याबाबत एक ट्विट केलं आहे. "शिल्पा शेट्टी आणि राज कुंद्रा हे बाबा रामदेव यांचे शिष्य आहेत. ध्यान, योग, साधना त्यांना (शिल्पा आणि राज यांना) रामदेव बाबांनीच शिकवली आहे. तरीही त्याचं लक्ष्य (ध्यान) विचलित झालंच" असं आचार्य प्रमोद यांनी आपल्या ट्विटमध्ये म्हटलं आहे. 

शिल्पा शेट्टी और राज कुन्दरा बाबा रामदेव के शिष्य हैं,ध्यान,योग,साधना उन्होंने ही सिखायी है, फिर भी “ध्यान” भटक गया.

— Acharya Pramod (@AcharyaPramodk) July 19, 2021

राज कुंद्राच्या अटकेनंतर "द कपिल शर्मा" शोमधील एक व्हिडीओ सोशल मीडियावर जोरदार व्हायरल होत आहे. कपिल शर्माने आपल्या कार्यक्रमात राज कुंद्राला त्याच्या उत्पन्नाबद्दल विचारेल्या एका प्रश्नाचा व्हिडीओ सध्या वेगाने व्हायरल होत आहे. या व्हिडीओमध्ये अभिनेत्री शिल्पा शेट्टीने पती राज कुंद्रा आणि बहीण शमितासोबत "द कपिल शर्मा शो" मध्ये हजेरी लावली होती.  कपिल शर्मा राज कुंद्राला म्हणतो की "तुम्ही कधी सेलिब्रिटींसोबत फूटबॉल मॅच खेळताना दिसता, कधी फ्लाईटमध्ये तर कधी शिल्पासोबत शॉपिंग करताना दिसतात. पण जरा आम्हाला देखील सांगा काही न करता तुम्ही इतके पैसे कसे कमवता?". 

Video - राज कुंद्राच्या उत्पन्नाविषयच्या प्रश्नावर शिल्पा शेट्टी म्हणते...#RajKundraArrest#RajKundra#ShilpaShetty#Bollywood#Arrest#KapilSharmahttps://t.co/DG3aXAG5xqpic.twitter.com/mDlkno5Dv7

— Lokmat (@MiLOKMAT) July 20, 2021

"काही न करता तुम्ही इतके पैसे कसे कमवता?"; 'द कपिल शर्मा शो'मधील राज कुंद्राचा 'तो' Video तुफान व्हायरल

कपिलच्या या प्रश्नानंतर शोमध्ये सर्वच जण हसायला लागतात. शिल्पा शेट्टी आणि स्वत: राज कुंद्रा देखील यावर खूप हसतात. मात्र नंतर कपिलच्या या प्रश्नावर शिल्पाने पतीची बाजू सावरत राज कुंद्रा खूप मेहनत घेत असल्याचं म्हटलं आहे. सध्या हा व्हिडीओ सोशल मीडियावर जोरदार व्हायरल होत आहे. राज कुंद्रावर मोबाईल अ‍ॅपच्या माध्यमातून पॉर्न चित्रपट तयार करून विकल्याच आरोप आहे. राजविरूद्ध आपल्याकडे ठोस पुरावे असल्याचा दावा पोलिसांनी केला आहे. राजने आपल्या एका नातलगासोबत मिळून एक कंपनी सुरू केली होती. ही कंपनी पॉर्न कंटेंटसाठी अनेक एजंटला कॉन्ट्रॅक्ट द्यायची, असाही आरोप आहे. आता या प्रकरणी आणखी एक धक्कादायक माहिती समोर आली आहे. राजचे  व्हॉट्सअ‍ॅप चॅट पोलिसांच्या हाती लागले आहे.

पोर्नोग्राफीच नाही तर राज कुंद्रा आधीही सापडलाय वादात, आयपीएलपासून अंडरवर्ल्डपर्यंत झाले आहेत असे गंभीर आरोप https://t.co/4pBUsVKTLb

— Lokmat (@MiLOKMAT) July 20, 2021

 

Read in English