Air India Plane Crash : अपघातातील मृतांच्या कुटुंबीयांना 10 लाख, जखमींना 2 लाखांची मदत
By ऑनलाइन लोकमत | Published: August 8, 2020 03:27 PM2020-08-08T15:27:50+5:302020-08-08T15:34:34+5:30
Air India Plane Crash : केंद्रीय नागरी हवाई वाहतूक मंत्री हरदीपसिंह पुरी यांनी अपघात झाला त्या ठिकाणी भेट दिली आहे. संपूर्ण परिस्थितीची माहिती घेतली.
Air India Plane Crash : अपघातातील मृतांच्या कुटुंबीयांना 10 लाख, जखमींना 2 लाखांची मदत
नवी दिल्ली - कोरोनामुळे अडकून पडलेल्या भारतीय नागरिकांना दुबईहून परत घेऊन येणारे एअर इंडिया एक्स्प्रेसचे विमान शुक्रवारी (7 ऑगस्ट) रात्री अपघात झाला. मुसळधार पावसात केरळमधील कोझिकोड येथील करीपूर विमानतळावर उतरत असताना विमान अपघातग्रस्त झाले या अपघातात आतापर्यंत 21 जणांचा मृत्यू झाला आहे. विमान दुर्घटनेत मुख्य वैमानिक दीपक साठे यांचा मृत्यू झाला. एअर इंडियात वैमानिक म्हणून रूजू होण्यापूर्वी साठे यांनी भारतीय हवाई दलात सेवा बजावली होती.
केंद्रीय नागरी हवाई वाहतूक मंत्री हरदीपसिंह पुरी यांनी अपघात झाला त्या ठिकाणी भेट दिली. संपूर्ण परिस्थितीची माहिती घेतली. केंद्र सरकारने अपघातग्रस्त प्रवाशांना मदत जाहीर केली आहे. हरदीपसिंह पुरी यांनी या घटनेचा तपास करण्यात यावा असे आदेश दिले आहेत. यासोबतच मदतीची घोषणा केली आहे. अपघातातील मृतांच्या कुटुंबीयांना 10 लाखांची मदत करण्यात येणार आहे. गंभीररित्या जखमी झालेल्या प्रवाशांना 2 लाख रूपयांची मदत करण्यात येणार आहे.
We were fortunate that unlike the tragic accident at Mangaluru Airport 10 years ago, where the aircraft caught fire, here preventive action minimised the loss of lives: Hardeep Singh Puri, Civil Aviation Minister on #KozhikodePlaneCrashhttps://t.co/NUy4UqFfkX
— ANI (@ANI) August 8, 2020
हरदीपसिंह पुरी यांनी अपघातातील किरकोळ जखमी झालेल्या प्रवाशांना 50 हजार रुपयांची मदत करण्यात येणार असल्याची देखील माहिती दिली आहे. अशा घटना घडू नये यासाठी योग्य ती खबरदारी ही घेण्यात येणार आहे. नागरी विमान वाहतूक संचालनालयातील सूत्रांनुसार हे विमान मुसळधार पावसातही सुखरूपणे जमिनीवर उतरले.पण नंतर टर्मिनलच्या दिशेने धावत असताना ते धावपट्टीवरून घसरले व बाजूला असलेल्या खोल खड्डयात पडून त्याचे दोन तुकडे झाले.
Air India Plane Crash : महाराष्ट्रानेही अनुभवलीय दाहकताhttps://t.co/XH8YB1QGdp#AirIndiaExpress#AirIndiaCrash#AirIndiaplanecrash#keralaplanecrash#Kerala
— Lokmat (@MiLOKMAT) August 8, 2020
संचालनालयाने मदत व बचाव कार्याची व्यवस्था करण्यासोबतच या घटनेच्या चौकशीचाही आदेश दिला आहे. विमान कंपनीने दिलेल्या माहितीनुसार विमानात 174 प्रौढ प्रवासी, 10 तान्ही मुले, दोन वैमानिक व चार विमान कर्मचारी असे एकूण 190 जण होते. कोझिकोडचे विमानतळ डोंगरमाथ्यावर आहे व त्याच्या धावपट्टीच्या दुतर्फा दरी आहे. सुदैवाने धावपट्टीवरून घसरले तेव्हा विमानाचा वेग बराच कमी झाला होता.
CoronaVirus News : देशातील प्रत्येक नागरिकापर्यंत लवकरात लवकर लस पोहोचवण्यासाठी सरकार प्रयत्नशील, असा आहे 'प्लॅन'https://t.co/3BZ16Mvn0K#coronavirus#CoronaUpdatesInIndia#COVID19India#CoronavirusIndia
— Lokmat (@MiLOKMAT) August 8, 2020
महत्त्वाच्या बातम्या
माणुसकीला काळीमा! रुग्णालयात उपचारासाठी गेलेल्या वृद्ध महिलेला बेदम मारहाण, Video व्हायरल
JEE Main 2020 Exam : जेईई विद्यार्थ्यांसाठी मोठी बातमी! परीक्षेसाठी मार्गदर्शक सूचना जाहीर
'योगी आदित्यनाथांनी माफी मागावी'; मशिदीबद्दलच्या 'त्या' विधानावरून विरोधक आक्रमक
CoronaVirus News : तुमच्यापर्यंत कशी पोहोचवणार कोरोना लस?, 'या' खास प्लॅनसह असणार मोदी सरकारची नजर
"निवडून आलेल्या आमदारांना धमकावलं जातंय, सरकार आपल्याच नेत्यांचे फोन टॅप करतंय"
