'‘भारत माता की जय’ घोषणेचा उग्रवादी विचारांसाठी वापर'

मनमोहनसिंग यांचे टीकास्त्र

नवी दिल्ली : राष्ट्रवाद व ‘भारत माता की जय’ या घोषणेचा उग्रवादी विचारांसाठी वापर केला जात आहे, अशी घणाघाती टीका माजी पंतप्रधान मनमोहनसिंग यांनी केली आहे. जवाहरलाल नेहरू यांचे कार्य व विचार यावरील पुस्तकाच्या प्रकाशनाच्या वेळी त्यांनी भाजपचे नाव न घेता टीकास्त्र सोडले.ते म्हणाले की, भारत एक जिवंत लोकशाही देश म्हणून ओळखला जातो. याचा पाया रचला आहे तो पहिले पंतप्रधान नेहरू यांनी. त्यांनी सामाजिक व राजकीय विचारांच्या द्वारे लोकशाहीचा एक मार्ग तयार केला. नेहरूंनी अनेक बहुभाषी विद्यापीठे, अकादमींचा पाया ठेवला. त्यांनी सांस्कृतिक संस्थांची स्थापना केली. परंतु नेहरूंच्या नेतृत्वातील स्वतंत्र भारत जसा होता तसा आज नाही.