Bihar Assembly Election 2020 : काँग्रेसच्या मुख्यालयावर इन्कम टॅक्स विभागाची धाड, सुरजेवाला यांचीसुद्धा चौकशी
By बाळकृष्ण परब | Published: October 22, 2020 09:31 PM2020-10-22T21:31:19+5:302020-10-22T21:34:29+5:30
Income tax raid on Congress headquarters News : प्राप्तिकर विभागाच्या पथकाने बिहारची राजधानी पाटणामधील काँग्रेसचे मुख्यालय असलेल्या सदाकत आश्रवावर धाड टाकली.
Bihar Assembly Election 2020 : काँग्रेसच्या मुख्यालयावर इन्कम टॅक्स विभागाची धाड, सुरजेवाला यांचीसुद्धा चौकशी
Next पाटणा - बिहार विधानसभा निवडणुकीसाठी प्रचाराने जोर धरला आहे. दरम्यान, आज प्राप्तिकर विभागाच्या पथकाने बिहारची राजधानी पाटणामधील काँग्रेसचे मुख्यालय असलेल्या सदाकत आश्रवावर धाड टाकली आहे. या धाडीदरम्यान, प्राप्तिकर विभागाने एका कारमधून आठ लाख रुपये जप्त केले. तसेच या प्रकरणी काँग्रेसचे नेते रणदीप सुरजेवाला आणि बिहारचे प्रभारी शक्तिसिंह गोहिल यांचीही चौकशी करण्यात आली.
प्राप्तिकर विभागाने काँग्रेसच्या कार्यालयावर नोटिस लावली आहे. दरम्यान शक्ती सिंह गोहिल यांनी जप्त केलेली रक्कम कुणाची आहे, हे मला माहिती नाबी असे सांगितले. प्राप्तिकर विभागाच्या या छाप्याची कारवाई सुमारे एक तास चालली. या प्रकरणी प्राप्तिकर विभागाने एका व्यक्तीला पकडले आहे. त्याने ही रक्कम पाटणामधील कुणाला तरी देण्यात येणार होता, असे सांगितले. आता प्राप्तिकर विभाहाने काँग्रेसकडे संपूर्ण प्रकरणाचे उत्तर मागितले आहे. ही रक्कम कुठून आली आणि कुठल्या नेत्याने या व्यक्तीला ही रक्कम दिली होती, अशी विचारणा प्राप्तिकर विभागाने केली आहे.
Bihar: A team of Income Tax officials arrive at Congress' office in Patna to serve a notice to them after money was recovered from a vehicle parked outside their compound. One person detained outside the campus of the office, after Rs 8.5 Lakhs was recovered from him. pic.twitter.com/j3YqzTMBop
— ANI (@ANI) October 22, 2020
दरम्यान, या कारवाईवरून शक्तिसिंह गोहिल यांनी प्राप्तिकर विभागावर जोरदार टीका केली आहे. परिसरात बाहेर एका गाडीतून पैसे जप्त करण्यात आल्यानंतर प्राप्तिकर विभागाने नोटिस दिली आहे. ही रक्कम कार्यालयाच्या परिसरातून रक्कम जप्त करण्यात आलेली नाही.आम्ही सहकार्य करू. रक्सौलमध्ये भाजपाच्या उमेदवाराकडून २२ किलो सोने आणि २.५ किलो चांदी जप्त करण्यात आली होतो. प्राप्तिकर विभाग तिथे का जात नाही आहे, अशी विचारणाही त्यांनी केली.
तर सत्ता येण्यापूर्वीच महाआघाडीच्या नेत्यांना लुटमार सुरू केली आहे. प्राप्तिकर विभागाने महाआघाडीच्या नेत्यांच्या घरांवार धाडी टाकाव्यात, तिथे अब्जावधी रुपये मिळतील, असा आरोप बिहारचे माजी मुख्यमंत्री जीतनराम मांझी यांनी केला आहे.