नवी दिल्ली - घरात लग्नाची जोरदार तयारी सुरू असताना एक भयंकर घटना घडली आणि क्षणात हसतं खेळतं घर उद्ध्वस्त झालं आहे. लग्नाआधीच नववधूच्या वडिलांचा मृत्यू झाल्याची मन हेलावून टाकणारी घटना घडली आहे. सुखी संसार सुरू होण्याआधीच कुटुंबीयांवर दुःखाचा डोंगर कोसळला आहे. मुलीच्या कन्यादानापूर्वीच वडिलांनी जीव गमावल्याची हृदयद्रावक घटना घडली. मिळालेल्या माहितीनुसार, बिहारच्या औरंगाबादमधून धक्कादायक घटना समोर आली आहे. ज्या घरात लग्नाची तयारी सुरू होती तिथेच काळीज पिळवटून टाकणारी घटना घडली.
शनिवारी रात्री थ्रेसर मशीनमध्ये डोकं अडकल्यामुळे एका शेतकऱ्याचा मृत्यू झाला. या घटनेने गावात एकच खळबळ उडाली. घरातील आनंदाच्या वातावरणावर विरजण पडलं आहे. मृतदेह ताब्यात घेऊन पोस्टमार्टमसाठी पाठवण्यात आला आहे. स्थानिकांनी दिलेल्या माहितीनुसार, परसा गावात अर्जुन भुईया याचं 35 वय होतं. तो गावात जयराम शर्माच्या ट्रॅक्टरमध्ये लावलेल्या थ्रेसर मशीनने शेत कापणीचं काम करीत होता. शनिवारी ते घरातून जेवण करून शेत कापणीसाठी निघून गेला.
जाताना सकाळीच येणार असल्याचं त्याने सांगितलं. तो रात्रीच्या वेळेत शेत कापत होता. अचानक त्याचं डोकं थ्रेसर मशीनमध्ये अडकलं. काही करेपर्यंत त्याचं डोकं मशीनने कापलं गेलं होतं. रक्तबंबाळ होऊन तो तेथेच पडला. डोक्याला इतकी गंभीर जखमी झाली की, त्याचा जागेवरच मृत्यू झाला. याबाबत माहिती मिळताच गावकऱ्यांनी घटनास्थळी धाव घेतली. सर्वांनाच मोठा धक्का बसला. गावकऱ्यांनी याबाबत पोलिसांना माहिती दिली.
पोलिसंनी मृतदेह ताब्यात घेऊन रुग्णालयात पाठवला. अर्जुनच्या मुलीचं 17 एप्रिलला लग्न होणार होतं. कुटुंबात मुलीच्या लग्नामुळे आनंदाचं वातावरण होतं. घरात तयारी सुरू होती. नातेवाईकांना निमंत्रण पत्रिका पाठवण्यात आली होती. मात्र याचदरम्यान अर्जुनच्या मृत्यूमुळे आनंदावर विरजण पडलं. लग्नाच्या काही दिवसांपूर्वी झालेल्या बापाच्या मृत्यूमुळे मुलीला मोठा धक्का बसला आहे. एका हिंदी वेबसाईटने याबाबतचे वृत्त दिले आहे.