'गीता प्रेस'ला शांती पुरस्कार देण्याच्या मुद्द्यावर वरूण गांधींनी काँग्रेसला सुनावलं, म्हणाले...

गीता प्रेसला पुरस्कार हा निर्णय म्हणजे सावरकर, गोडसेंना पुरस्कार देण्यासारखा, असे काँग्रेसने म्हटले होते

Geeta Press Controversy: गोरखपूरच्या गीता प्रेसला मोदी सरकारकडून 2021 या वर्षासाठी गांधी शांतता पुरस्कार प्रदान केला जाणार आहे. यानंतर राजकारण अधिक तीव्र झाले असून काँग्रेसने या निर्णयाला विरोध करताना त्याची तुलना सावरकर आणि गोडसे यांना दिलेल्या पुरस्काराशी केली. मात्र, या मुद्द्यावरून आता भाजपा खासदार वरुण गांधी यांनी या मुद्द्यावर केंद्र सरकारचे समर्थन करत काँग्रेसवर जोरदार निशाणा साधला आहे.

अवास्तव टीका नकारात्मकतेचा आधार- वरुण गांधी

उत्तर प्रदेशातील पिलीभीत येथील खासदार वरुण गांधी यांनी या मुद्द्यावर काँग्रेसचे नाव न घेता  नाही, परंतु अनावश्यक टीका नकारात्मकतेचा आधार असल्याचे सांगितले. ते म्हणाले, 'एकमेकांच्या श्रद्धेचा परस्पर आदर ही धर्मनिरपेक्ष राष्ट्राची ओळख आहे. गीता प्रेस ही केवळ एक प्रकाशक नाही, तर ती एक संपूर्ण चळवळ आहे, ज्याने उच्च दर्जाच्या भाषेत लिहिलेल्या निर्दोष पुस्तकांद्वारे गरीब कुटुंबातील गरीब लोकांना त्यांच्या धर्माशी जोडले आहे. त्यामुळे अनावश्यक टीका हा नकारात्मकतेचा आधार आहे, अशी टीका वरूण गांधींनी केली.

काँग्रेसने म्हणते- हा निर्णय म्हणजे सावरकर-गोडसेंना पुरस्कार देण्यासारखा...

गीता प्रेसला गांधी शांतता पुरस्कार देण्याच्या निर्णयावर काँग्रेसने टीका केली. हा निर्णय हास्यास्पद आणि सावरकर आणि गोडसे यांना पुरस्कार देण्यासारखा असल्याचे काँग्रेसने म्हटले. सरकारवर टीका करताना काँग्रेसचे सरचिटणीस जयराम रमेश म्हणाले, गोरखपूर येथील गीता प्रेसला 2021 सालचा गांधी शांतता पुरस्कार प्रदान करण्यात आला आहे, जे यावर्षी शताब्दी साजरे करत आहेत. अक्षय मुकुल यांनी या संस्थेच्या लिखित चरित्रात त्यांनी महात्मा गांधी आणि त्यांचा राजकीय, धार्मिक आणि सामाजिक अजेंडा यावरील गीता प्रेसशी असलेला लढा आणि वाईट संबंध उघड केले आहेत. हा निर्णय म्हणजे एक चेष्टा आणि सावरकर-गोडसेंना पुरस्कार देण्यासारखेच आहे. यांची थट्टा आणि पुरस्कार आहे.