आग्रा येथील फतेहपूर सिकरी शहरात लग्नानंतर सासरच्या घरी आलेल्या नववधूची तब्येत अचानक बिघडली. राजस्थानमध्ये उपचारादरम्यान तिचा मृत्यू झाला. या घटनेने कुटुंबीयांना मोठा धक्का बसला असून परिसरात खळबळ उडाली आहे. मिळालेल्या माहितीनुसार, फतेहपूर सिकरी येथील महादेव गली येथील रहिवासी असलेल्या राजूचा विवाह 26 फेब्रुवारी रोजी आग्राच्या धुलिया गंज येथील सोनियासोबत झाला होता.
नववधू 12 वाजता सासरच्या घरी पोहोचली. रात्री सासरच्या घरी विधी आटोपून सोनिया झोपी गेली. 28 फेब्रुवारीला सकाळी 10 वाजता अचानक सोनियांची तब्येत बिघडू लागली. नवरा राजू पत्नीला उपचारासाठी राजस्थानमधील भरतपूर येथे घेऊन गेला. माहिती मिळताच सोनियांचे नातेवाईकही तेथे पोहोचले. उपचारादरम्यान सोनियाचा मृत्यू झाला.
वधूच्या आकस्मिक मृत्यूनंतर आजूबाजूच्या लोकांना आणि नातेवाईकांना काही गैरसमज होऊ नये, म्हणून मुलीच्या बाजूने आजारपणामुळे मृत्यू झाल्याची लेखी तक्रार पोलीस स्टेशन फतेहपूर सिकरी येथे दिली. वधूच्या अकाली मृत्यूनंतर राजू खूप अस्वस्थ आहे. राजूने सांगितले की, लग्न ठरल्यानंतर रोज बोलणे व्हायचं. आम्ही फक्त काही तास एकत्र होतो. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"