अरविंद केजरीवाल पहिल्यांदाच करणार काँग्रेसचा प्रचार; आज दिल्लीत घेणार जाहीर सभा

आज उत्तर-पश्चिम सीट आणि चांदणी चौकात मुख्यमंत्री रोड शो करणार आहेत. डॉ. उदित राज आणि जेपी अग्रवाल हे काँग्रेसचे उमेदवार आहेत.

काही दिवसापूर्वी दिल्लीचे मुख्यमंत्री अरविंद केजरीवाल निवडणूक प्रचारासाठी जामिनावर बाहेर आले आहेत. दरम्यान, आता अरविंद केजरीवाल पहिल्यांदाच काँग्रेसचा प्रचार करणार आहेत. ते इंडिया आघाडी अंतर्गत दिल्लीतील तीन जागांवर काँग्रेस उमेदवारांचा प्रचार करणार आहेत. बुधवारी उत्तर-पश्चिम सीट आणि चांदणी चौकात मुख्यमंत्री रोड शो करणार आहेत. डॉ. उदित राज आणि जेपी अग्रवाल हे काँग्रेसचे उमेदवार आहेत. यावेळी काँग्रेसचा तिसरा उमेदवार कन्हैया कुमारही उपस्थित राहणार आहेत. येत्या काही दिवसांत ते त्यांच्या प्रचारासाठी ईशान्य दिल्लीतही जाणार आहेत.

पंतप्रधान मोदी आज महाराष्ट्र दौऱ्यावर; दिंडोरी अन् कल्याणमध्ये सभा, मुंबईत होणार रोड शो

दिल्लीत पहिल्यांदाच आम आदमी पार्टी आणि काँग्रेस एकत्र निवडणूक लढवत आहेत. आम आदमी पक्ष दक्षिण, पूर्व, नवी दिल्ली आणि पश्चिम दिल्लीच्या जागांवरून निवडणूक लढवत आहे, तर काँग्रेस चांदनी चौक, उत्तर-पश्चिम आणि उत्तर-पूर्व दिल्लीच्या जागांवर निवडणूक लढवत आहे. तुरुंगातून बाहेर आल्यानंतर दुसऱ्या दिवसापासून केजरीवाल दिल्लीत आम आदमी पक्षाच्या चार जागांवर रोड शो करून इंडिया अलायन्ससाठी निवडणूक लढवत आहेत. यावेळी काँग्रेसच्या उमेदवारांनी त्यांना निवडणुकीचा प्रचार करण्याचे आवाहनही केले होते.

मुख्यमंत्र्यांच्या रोड शोमध्ये दिल्ली प्रदेश काँग्रेसचे अध्यक्ष देवेंद्र यादव म्हणाले की, आघाडीचे कार्यकर्ते दिल्लीतील सातही जागांवर एकजुटीने जनतेपर्यंत पोहोचत आहेत. मुख्यमंत्री केजरीवाल चांदनी चौक येथून जयप्रकाश अग्रवाल, ईशान्य दिल्लीतून कन्हैया कुमार आणि उत्तर पश्चिम दिल्लीतून उदित राज या उमेदवारांच्या समर्थनार्थ दोन रोड शो करणार आहेत. पहिला रोड शो मॉडेल टाऊनपासून सुरू होईल आणि दुसरा जहांगीरपुरी येथे होणार आहे.

काँग्रेसच्या तिन्ही उमेदवारांनी मुख्यमंत्री अरविंद केजरीवाल यांची भेट घेतली आहे. ईशान्य दिल्लीतील काँग्रेस उमेदवार कन्हैया कुमार यांनी रविवारी भेट घेतली. सोमवारी चांदनी चौकातील उमेदवार जयप्रकाश अग्रवाल आणि उत्तर पश्चिम दिल्लीतील उदित राज यांनी मुख्यमंत्र्यांची भेट घेतली. या तिन्ही उमेदवारांना आपापल्या भागातील प्रचारासोबतच आतापर्यंत केलेल्या प्रचाराबाबत तसेच प्रचार रणनीतीबाबत चर्चा करून त्यांना निमंत्रित केले.

दिल्लीचे मुख्यमंत्री अरविंद केजरीवाल फक्त दिल्लीत काँग्रेसचा प्रचार करणार नाहीत, तर ते देशातील त्या राज्यांमध्येही जाणार आहेत जिथे इंडिया आघाडीचे घटक पक्ष निवडणूक लढवत आहेत. आम आदमी पक्ष एका जागेवर निवडणूक लढवत आहे. ते बुधवारी लखनौला रवाना होऊ शकतात. तेथून सायंकाळी परतल्यानंतर ते दिल्लीत प्रचार करणार आहेत. त्यानंतर १६ मे रोजी ते पंजाब आणि झारखंडमध्ये प्रचारासाठी जाणार आहेत. याशिवाय १७ मे रोजी महाराष्ट्रात जाणार आहेत.