'काँग्रेसमध्ये तुमची अवहेलना..; आमच्यासोबत या', अठावलेंची अधीर रंजन चौधरींना खुली ऑफर

काँग्रेसचे दिग्गज नेते अधीर रंजन चौधरी पक्ष हायकमांडवर नाराज असल्याची चर्चा आहे.

Ramdas Athawale : केंद्रातील एनडीए सरकारचा सहकारी पक्ष असलेल्या रिपब्लिकन पार्टी ऑफ इंडियाचे अध्यक्ष रामदास आठवले (Ramdas Athawale) यांनी बुधवारी (30 जुलै) काँग्रेसचे ज्येष्ठ नेते अधीर रंजन चौधरी (Adhir Ranjan Chowdhury) यांना काँग्रेस सोडण्याचा सल्ला दिला. यासोबतच आठवलेंनी त्यांना एनडीएमध्ये येण्याची किंवा रीपाईमध्ये सामील होण्याची खुली ऑफर दिली.

#WATCH | Delhi | On the resignation of Congress leader Adhir Ranjan Chowdhury from the post of President of West Bengal Congress, Union Minister Ramdas Athawale says, "...It is because he lost from West Bengal that he is being ignored and insulted. Due to this attitude of… pic.twitter.com/9igjK2HQwv

— ANI (@ANI) July 31, 2024

'काँग्रेसमध्ये तुमची अवहेलना आणि अपमान होत असेल, तर तुम्ही आमच्यासोबत या. अधीर रंजन चौधरी हे लोकसभा निवडणुकीत पश्चिम बंगालमधून पराभूत झाल्यामुळे त्यांना अशी वागणूक मिळत आहे. काँग्रेसच्या याच वृत्तीमुळे संतप्त झालेले अनेक जण भाजपमध्ये गेले, आता तुम्हीही काँग्रेस सोडा,' असे आवाहन रामदास आठवले यांनी अधीर रंजन यांना केले.

#WATCH | Congress leader Adhir Ranjan Chowdhury says, "...The day Mallikarjun Kharge became the party president, all other posts of the party in the country became temporary, according to the Constitution of the party. Even my post became temporary...While the election was… pic.twitter.com/FeNrNxg2zy

— ANI (@ANI) July 30, 2024

काय म्हणाले अधीर रंजन चौधरी?
काँग्रेसचे ज्येष्ठ नेते अधीर रंजन चौधरी हे पक्ष हायकमांडवर नाराज असल्याचं वृत्त आहे. मंगळवारी (30 जुलै) एएनआय या वृत्तसंस्थेशी बोलताना अधीर रंजन चौधरी म्हणाले की, 'नुकत्याच झालेल्या बैठकीत मला माजी अध्यक्ष म्हणून संबोधण्यात आले आणि याची माहितीही मला आधी देण्यात आली नव्हती. माजी अध्यक्ष म्हणणे माझ्यासाठी धक्कादायक होते,' अशी प्रतिक्रिया अधीर रंजन यांनी दिली.