भाजपाने राजीव गांधींना म्हटले, 'फादर ऑफ मॉब लिंचिंग' 

भाजपा प्रवक्ते तेजिंदर पाल सिंह बग्गा यांनी बॅनर लावल्याने राजकीय वाद उफाळून आला आहे. तेजिंदर पाल सिंह बग्गा यांनी दिल्लीत प्रमुख चौकांसह भाजपाच्या मुख्यालयाबाहेर बॅनर लावले आहेत.

नवी दिल्ली : भाजपा प्रवक्ते तेजिंदर पाल सिंह बग्गा यांनी बॅनर लावल्याने राजकीय वाद उफाळून आला आहे. तेजिंदर पाल सिंह बग्गा यांनी दिल्लीत प्रमुख चौकांसह भाजपाच्या मुख्यालयाबाहेर बॅनर लावले आहेत. यामध्ये माजी पंतप्रधान दिवंगत राजीव गांधी यांना 'फादर ऑफ मॉब लिंचिंग' म्हटले आहे. यावरुन राजकीय आरोप प्रत्यारोप सुरु आहेत. 

वादग्रस्त वक्तव्यावरुन नेहमीच चर्चेत राहणाऱ्या तेजिंदर पाल सिंह बग्गा यांनी आपल्या ट्विटर अकाउंटवरुन दिल्लीत लावलेल्या बॅनरचा व्हिडीओ शेअर केला आहे. यामध्ये त्यांनी लिहिले आहे, 'होय, राजीव गांधी फादर ऑफ मॉब लिंचिंग होते'.

Yes Rajiv Gandhi is Father of Mob Lynching pic.twitter.com/8OAw7vOn2X

— Tajinder Pal Singh Bagga (@TajinderBagga) August 27, 2018

तेजिंदर पाल सिंह बग्गा यांनी लावलेल्या बॅनरवरुन काँग्रसचे प्रवक्ता प्रणव झा यांनी ट्विटर अकाउंटवरुन भाजपावर निशाणा साधला आहे. मुंबई काँग्रेसने माजी पंतप्रधान अटलबिहारी वाजपेयींच्या निधनानंतर त्यांना श्रद्धांजली वाहणारा बॅनर लावला होता. त्या बॅनरचा फोटो पोस्ट करत प्रणव झा यांनी भाजपावर टीका केली आहे. 'भाजपा, तुमच्यामध्ये आणि काँग्रेसमध्ये किती फरक आहे, पाहा. काही वेळ वाट पाहा. जनता तुमच्या अहंकाराला आणि तिरस्काराला योग्य उत्तर देईल. संस्कारांचा फरक', असे प्रणव झा यांनी ट्विटरवर म्हटले आहे.

Dear @BJP4India please see what makes @INCIndia different from you. Kindly wait; very soon people are going to give you a befitting reply for your arrogance and hatred.
संस्कारों का फ़र्क़ ! pic.twitter.com/bkuCUZvbq6

— pranav jha (@pranavINC) August 28, 2018

दुसरीकडे, काँग्रेसच्या प्रवक्त्या प्रियंका चतुर्वेदी यांनीही भाजपावर ट्विटरच्या माध्यमातून टीका केली आहे.   

While Congress culture has been to pay homage to a deceased PM who was unable to do much when 2002 happened.

On the other hand we have a despicable poster outside BJP office denigrating a deceased PM who lost his life in service to the nation.

Reflects BJP’s petty mindedness

— Priyanka Chaturvedi (@priyankac19) August 28, 2018