Rafale Verdict : अमित शहांचा काँग्रेसवर 'राफेल' हल्ला; म्हणाले, आता देशाची माफी मागा!

राफेल डील प्रकरणी सुप्रीम कोर्टाकडून पंतप्रधान नरेंद्र मोदी सरकारला आज (गुरुवारी) दुसऱ्यांदा क्लीन चिट मिळाल्यानंतर भाजपाचे अध्यक्ष अमित शहा यांनी पुन्हा एकदा काँग्रेसवर निशाणा साधला आहे. 

नवी दिल्ली: राफेल डील प्रकरणी सुप्रीम कोर्टाकडून पंतप्रधान नरेंद्र मोदी सरकारला आज (गुरुवारी) दुसऱ्यांदा क्लीन चिट मिळाल्यानंतर भाजपाचे अध्यक्ष अमित शहा यांनी पुन्हा एकदा काँग्रेसवर निशाणा साधला आहे. 

अमित शहा ट्विट करत म्हणाले की, सर्वोच्च न्यायालयाच्या आजच्या निकालानंतर मोदी सरकार पूर्णपणे भ्रष्टाचारमुक्त असल्याचे पुन्हा एकदा सिद्ध झाले आहे. तसेच देशहितापेक्षा राजकारणच सर्वस्व असणाऱ्या काँग्रेसनं आता देशाची माफी मागावी असं म्हणत काँग्रेसवर अमित शहा यांनी टीका केली आहे. भाजपाचे वरिष्ठ नेते रविशंकर प्रसाद यांनी देखील भाजपाचा सत्याचा विजय झाल्याचे सांगत काँग्रेसवर टीकास्त्र सोडले होते.

Supreme Court’s decision to dismiss the review petition on #Rafale is a befitting reply to those leaders and parties who rely on malicious and baseless campaigns.

Today’s decision, yet again, reaffirms Modi sarkar’s credentials as a govt which is transparent and corruption free.

— Amit Shah (@AmitShah) November 14, 2019

Now, it has been proved that disruption of Parliament over #Rafale was a sham. The time could have been better utilised for the welfare of people.

After today's rebuke from SC, Congress and its leader, for whom politics is above national interest must apologise to the nation.

— Amit Shah (@AmitShah) November 14, 2019

दरम्यान, राफेल विमाने खरेदी करण्याचा व्यवहार रद्द व्हावा या मागणीसाठी केलेली याचिका सुप्रीम कोर्टाने याआधीच फेटाळून लावली होती. या निर्णयाचा पुनर्विचार व्हावा या याचिकेवर सुप्रीम कोर्टाने निर्णय दिलेला आहे. याप्रकरणीचा निकाल मे महिन्यात राखून ठेवण्यात आला होता. तसेच, राफेल खरेदी व्यवहारामध्ये मोदी सरकारने मोठा घोटाळा केला आहे, असा जाहीर आरोप काँग्रेसचे नेते राहुल गांधी यांनी लोकसभा निवडणुकांच्या प्रचारात केला होता. त्यावरून त्यांनी रान उठविले होते.