गुरुग्राम - कोरोना व्हायरसने जगभरात थैमान घातले आहे. भारतात सुद्धा कोरोनाग्रस्तांच्या संख्येत दिवसेंदिवस वाढत होत आहे. कोरोनामुळे देशातील स्थिती चिंताजनक आहे. यावर मात करण्यासाठी देशात लॉकडाऊन सुरू आहे. आतापर्यंत देशात कोरोनाबाधित रुग्णांची संख्या 33,000 वर पोहचली आहे. तर 1000 हून अधिक लोकांचा मृत्यू झाला आहे. फक्त जीवनावश्यक सेवा सुरू ठेवण्यात आल्या आहेत. याच दरम्यान काही धक्कादायक घटना समोर येत आहेत. पत्नीला कोरोना झाल्यामुळे पतीने आत्महत्या केल्याची घटना घडली आहे.
हरियाणाच्या गुरुग्राममधील एका 54 वर्षीय व्यक्तीने आपल्या पत्नीच्या कोरोना चाचणीचा रिपोर्ट पॉझिटिव्ह आल्यावर आत्महत्येसारखं टोकाचं पाऊल उचललं आहे. आपल्या राहत्या घरात गळफास घेऊन पतीने आत्महत्या केल्याची माहिती मिळत आहे. घटनेची माहिती मिळताच पोलीस घटनास्थळी दाखल झाले. तसेच घटनास्थळावर कोणतीही सुसाईड नोट सापडलेली नाही. सतबीर सिंह असं आत्महत्या केलेल्या व्यक्तीचं नाव असून ते आपल्या पत्नी आणि मुलांसोबत राहत होते.
पोलिसांनी दिलेल्या माहितीनुसार, सतबीर यांची पत्नी गेल्या काही दिवसांपासून आजारी होती. उपचारासाठी तिला एका खासगी रुग्णालयात दाखल करण्यात आलं होतं. याच दरम्यान तिची कोरोना चाचणी करण्यात आली. पत्नीच्या करोना चाचणीचा अहवाल आला ज्यात तिला करोनाची लागण झाल्याचं स्पष्ट झालं. यामुळे सतबीर यांनी आत्महत्या केल्याचं म्हटलं जात आहे. पोलीस या प्रकरणाचा अधिक तपास करत आहेत. एका हिंदी वेबसाईटने याबाबतचे वृत्त दिले आहे.
महत्त्वाच्या बातम्या
CoronaVirus News : "...तर कोरोनाऐवजी लॉकडाऊनमुळे जास्त लोकांचा मृत्यू होईल"
Rishi Kapoor passed away : "एक एव्हरग्रीन पर्सनॅलिटी, ते आपल्यात नाहीत यावर विश्वास ठेवणं कठीण"
Rishi Kapoor passed away : बॉलिवूडचे दिग्गज अभिनेते ऋषी कपूर यांचे निधन, बॉलिवूड शोकमग्न
Rishi Kapoor passed away: ऋषी कपूर म्हणजे गुणवत्तेचा खजिना; पंतप्रधानांनी वाहिली श्रद्धांजली