Coronavirus Update Cases In India : कोरोनाबाधित (Coronavirus Patients) रुग्णांच्या संख्येचा खाली येणारा आलेख आता पुन्हा एकदा वाढताना दिसत आहे. देशात पुन्हा एकदा तब्बल २ लाखांच्या वर नव्या कोरोनाबाधितांची नोंद करण्यात आली. गेल्या चोवीस तासांत देशात एकूण २ लाख ६८ हजार कोरोनाबाधितांची नोंद करण्यात आली आहे. देशातील कोरोनाबाधितांची एकूण संख्या आता वाढून ३ कोटी ६८ लाख ५० हजार ९६२ इतकी झाली आहे. तर दुसरीकडे गेल्या चोवीस तासांत देशात ४०२ जणांचा कोरोनामुळे मृत्यू झाला.
देशात सध्या उपचाराधीन रुग्णांची संख्या वाढून आथा १४ लाख १७ हजार ८२० इतकी झाली आहे. तर चोवीस तासांमध्ये १ लाख २२ हजार ६८४ रुग्णांनी कोरोनावर मात केली आहे. सध्या देशात कोरोनाचा पॉझिटिव्हीटी दर हा १६.६६ टक्क्यांवर पोहोचला आहे. तर दुसरीकडे देशात ६ हजारांपेक्षा अधिक ओमायक्रॉन (Omicron Variant) चे रुग्णही सापडले आहेत. शुक्रवारी देशात निरनिराळ्या राज्यात मिळून ६ हजार ४१ ओमायक्रॉनचे रुग्ण सापडले.