भारताच्या हॉकी संघाचे माजी कर्णधार निवडणुकीच्या रणांगणात 

भारतीय हॉकी संघाचे कर्णधार म्हणून दिलीप तिर्की, प्रबोध तिर्की यांनी मैदान गाजविले होते.

भुवनेश्वर: भारतीय हॉकी संघाचे कर्णधार म्हणून दिलीप तिर्की, प्रबोध तिर्की यांनी मैदान गाजविले होते. आता ते ओडिशातून निवडणुकीचे रणांगण गाजविण्यास सज्ज झाले आहेत. दिलीप तिर्की बिजू जनता दलाच्या तिकिटावर सुंदरगढ लोकसभा मतदारसंघातून, तर काँग्रेसचे उमेदवार प्रबोध तिर्की सुंदरगढ जिल्ह्यातील तलसारा विधानसभा मतदारसंघातून उभे आहेत. 

दिलीप तिर्की माजी राज्यसभा सदस्य आहेत. ते विद्यमान भाजप खासदार जुआल ओराम यांच्या विरोधात निवडणूक लढवित आहेत.   बिजदला आजवर  सुंदरगढमध्ये कधीही विजय मिळालेला नाही. ओराम यांनी सांगितले की, दिलीप तिर्की हे हॉकीतील नामवंत खेळाडू आहेत; पण मीही कसलेला राजकारणी आहे. प्रबोध तिर्की हे भाजपचे विद्यमान आमदार भवानीशंकर भोई व बिजदच्या विनय टोप्पो यांच्या विरोधात लढत आहेेेत.