सोशल मीडियाचे जग कधी-कधी खऱ्या आयुष्याच्या जगापासून दूर असते, पण मोबाईलवरचे फोटो बघून आपण दूरच्या ठिकाणच्या आनंद घेऊ लागतो. आजकाल सोशल मीडियाच्या या जगात प्रेमाची पद्धत बदलली आहे, मात्र या मार्गात अनेकवेळा फसवणूक होत असते, असाच काहीसा प्रकार नुकताच दिल्लीतील एका तरुणीसोबत घडला. जी एका मुलाच्या प्रेमात पडला होती, ज्याने त्याच्या सोशल मीडिया प्रोफाइलवर मर्सिडीजसोबतचा फोटो टाकला होता.
तरुणीने फोटो पाहून लग्न करण्याचा निर्णय घेतला. दोघांनी लग्न केले, पण जेव्हा सत्य समोर आले तेव्हा तिला धक्काच बसला. मिळालेल्याा माहितीनुसार, एका तरुणाने आपल्या सोशल मीडिया प्रोफाइलवर मर्सिडीजसोबतचा एक फोटो पोस्ट केला होता, जो पाहून दिल्लीतील एक मुलगी तरुणाच्या प्रेमात पडली. आधी दोघांचे सोशल मीडियावरून बोलणे झाले, नंतर दोघांची दिल्लीत भेट होऊ लागली, वर्षभर प्रेम फुलले आणि दोघांचे लग्न झाले.
दिल्लीतच दोघेही भाड्याच्या घरात राहू लागले. त्याचवेळी रमजानचा महिना सुरू होताच तो तरुण आपल्या गावी रामपूर आला. पत्नीने लपूनछपून पतीचा पाठलाग केला. गावात पोहोचल्यावर जे सत्य समोर आलं, त्याने ती हादरली. सासरच्या घरी गेल्यावर मुलीने पाहिले की तिचे सासरचे घर झोपडपट्टीत बांधलेले आहे, तिचा नवरा श्रीमंत नसून रोजंदारीवर काम करणारा आहे. तरुणीने गोंधळ घातला. जेव्हा प्रकरण वाढले तेव्हा पोलीसही पोहोचले.
पोलिसांनी या प्रकरणाचा तपास केला असता दोघेही एकमेकांची फसवणूक करत असल्याचे आढळून आले, जिथे मुलगा श्रीमंत असल्याचं खोटे बोलत होता, तर मुलगीही खोटं बोलत होती. तरुणीचे हे तिसरे लग्न असून, ती अनेकदा दुबईला गेल्याचे पोलीस तपासात उघड झाले आहे. पोलिसांनी चौकशी केली असता तरुणीही इंग्रजी बोलू लागली. त्यानंतर पोलीस तपासात दोघांनीही एकमेकांची फसवणूक केल्याचे समोर आले. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"