काँग्रेसची आक्रामकता, योगी सरकार झुकलं; राहुल-प्रियांका यांना लखीमपूर खेरीला जाण्याची परवानगी

उत्तर प्रदेश सरकारच्या गृह विभागाने सांगितले आहे, की राज्य सरकारने काँग्रेस नेते राहुल गांधी, प्रियांका गांधी आणि इतर तीन जणांना लखीमपूर खेरी येथे भेट देण्याची परवानगी दिली आहे.

लखनौ - यूपीतील योगी सरकारने राजकीय नेत्यांना लखीमपूरला जाण्याची परवानगी दिली आहे. काँग्रेस नेते राहुल गांधी आणि प्रियांका गांधी यांच्याशिवाय आम आदमी पक्षाचे खासदार संजय सिंह यांनाही लखीमपूरला जाण्याची परवानगी देण्यात आली आहे. राहुल गांधी हे काही वेळापूर्वीच लखनौला जाण्यासाठी दिल्ली विमानतळावून निघाले आहेत. पंजाब आणि छत्तीसगडचे मुख्यमंत्रीही त्यांच्यासोबत आहेत. काँग्रेसचे हे तीन नेते लखीमपूरच्या पीडित शेतकऱ्यांच्या कुटुंबीयांची भेट घेतील. (UP government given permission to congress leaders Priyanka Gandhi Rahul Gandhi to visit lakhimpur kheri)

उत्तर प्रदेश सरकारच्या गृह विभागाने सांगितले आहे, की राज्य सरकारने काँग्रेस नेते राहुल गांधी, प्रियांका गांधी आणि इतर तीन जणांना लखीमपूर खेरी येथे भेट देण्याची परवानगी दिली आहे.

State government has given permission to Congress leaders Rahul Gandhi, Priyanka Gandhi and three other people to visit Lakhimpur Kheri: Home Department, UP Government pic.twitter.com/sXOquXOkvJ

— ANI UP (@ANINewsUP) October 6, 2021

आम्हाला मारलं, गाडलं तरी काही फरक पडत नाही... 
राहुल गांधी यांनी आज सकाळी पत्रकार परिषदेत लखीमपूर खेरीतील झालेल्या हिंसाचारावरून केंद्र सरकारवर थेट निशाणा साधला. "उत्तर प्रदेशमध्ये शेतकऱ्यांना मारले जात आहे. त्यांच्या सरकारमधील आमदारानेही बलात्कार केला होता. त्यामुळे उत्तर प्रदेशमध्ये नव्या प्रकारचे राजकारण होत आहे. बलात्कार, शेतकऱ्यांना मारणे सुरू आहे. जे मारतात ते जेलच्या बाहेर असतात आणि जे मरतात ते आतमध्ये जातात. पण, आम्हाला मारले, गाडले तरी काही फरक पडत नाही. आमचे ट्रेनिंगच तसे झाले आहे. हा शेतकऱ्यांचा मुद्दा आहे. त्यामुळे मी लखनऊला जाऊन सत्य जाणून घेण्याचा प्रयत्न करणार," असे राहुल गांधी यांनी म्हटले होते.

शेतकऱ्यांना जीपखाली चिरडले जात आहे. काल पंतप्रधान लखनऊमध्ये होते, पण ते लखीमपूर खेरी येथे गेले नाही. भाजपा नेत्याच्या मुलावर कोणतीही कारवाई केली गेली नाही, असेही राहुल गांधी यांनी म्हटले होते.