ऑनलाइन लोकमत
शिमला, दि. 20 - हिमाचल प्रदेशात एका खासगी बसचा भीषण अपघात झाला आहे. बस दरीत कोसळून झालेल्या या भीषण अपघातात 28 प्रवाशांचा मृत्यू झाला आहे. तर नऊ प्रवासी जखमी झाले आहेत. शिमला जवळील रामपूर येथे ही बस दरीत कोसळली. गुरुवारी सकाळी 9.15 वाजता ही दुर्घटना घडली.
बसमधून जवळपास 40 प्रवासी प्रवास करत होते. ही बस किन्नौर येथून सोलानला जात असताना रस्स्त्यातच ही दुर्घटना घडली. शिमलापासून 120 किमी अंतरावर राष्ट्रीय महामार्ग 5 वर रामपूर येथे बसचा अपघात झाला.
अपघाताची माहिती मिळताच पोलीस आणि स्थानिक प्रशासनाने घटनास्थळी धाव घेत बचावकार्याला सुरुवात केली आहे. जखमींना जवळच्या रुग्णालयात दाखल कऱण्यात आलं आहे. मृतांचा आकडा वाढण्याची शक्यता आहे.
#SpotVisuals More than 20 killed after a bus travelling to Solan from Kinnaur rolled down a gorge near Shimla"s Rampur. pic.twitter.com/51EVAimQud— ANI (@ANI_news) July 20, 2017
#SpotVisuals 20 killed after a bus travelling to Solan from Kinnaur rolled down a gorge near Shimla"s Rampur; Rescue operation underway pic.twitter.com/Gj8IoBBLn7— ANI (@ANI_news) July 20, 2017