आयएसआयएस (ISIS) मॉड्यूल आणि टेरर फंडिंगच्या प्रकरणात रॉ (RAW) व आयबी (IB) सोबत एनआयएने (NIA) जम्मू-काश्मीरमधील 10 ठिकाणी छापे टाकले आहेत. तसेच, तपास यंत्रणांनी बर्‍याच लोकांची चौकशीही केली आहे. आयएसआयएसच्या दहशतवादी मासिकावरून (टेटर मॅगजीन) हा छापा टाकण्यात आला. आतापर्यंत या मासिकाच्या 17 आवृत्त्या प्रकाशित झाल्या आहेत. (isis module case terror funding nia with ib raw carried out raids in anantnag, srinagar, awantipore, baramulla in jammu kashmir)
या मासिकात भारत, बांगलादेश, श्रीलंका आणि मालदीवमधील वृत्तांताचा समावेश केला जातो. हे मासिक अफगाणिस्तानातून प्रकाशित करण्यात आले, असे समजले जात होते. मात्र तपासात असे निष्पन्न झाले की, याचे प्रकाशन आयएसशी संबंधित जम्मू-काश्मीर / दिल्लीच्या टीम करत आहे. आता तपास यंत्रणांनी जम्मू-काश्मीरच्या 10 ठिकाणी छापे टाकले आहेत. यामध्ये अनंतनाग, श्रीनगर, बारामुल्ला, अवंतीपोरा यांचा समावेश आहे. जीशान अमीन, तनवीर, उमर अहमद आणि आरिफ खान यांना चौकशीसाठी दक्षिण काश्मीरमधून ताब्यात घेण्यात आले आहे. यासंबंधीची माहिती आजतक या हिंदी वेबसाइटने दिली आहे.
सूत्रांनी दिलेल्या माहितीनुसार, एनआयएने सकाळी दारुल उलूम, दलाल मोहल्ला, नवाबाजार येथे पोलिस, एसओजी, एसडीपीओच्या अनेक अधिकाऱ्यांसह छापा टाकला. शोधमोहीम दरम्यान, कार्यालयातील काही नोंदी, एक लॅपटॉप जप्त करण्यात आला आहे. तसेच हाका बाजार येथील रहिवासी अदनान अहमद नदवी याला अटक केली आहे. दरम्यान, हा दारुल उलूम उत्तर प्रदेशमधील लखनऊमधील दारुल उलूमशी संबंधित आहे. छापेमारी झाल्यानंतर तपास यंत्रणेचे पथक परतले आहे. आयएसआयएसमधील भरती, धर्मांधता आणि प्रचार-प्रसार या प्रकरणाच्या चौकशीच्या संदर्भात एनआयएची टीम 9 जुलै रोजी काश्मीरमध्ये पोहोचली होती. याशिवाय दिल्लीहून आयबीची टीमही त्याच दिवशी काश्मीरला पोहोचली होती.
दिल्ली पोलिसांच्या स्पेशल सेलने दोन वर्षांपूर्वी व्हॉईस ऑफ इंडिया मासिकाबद्दलही खुलासा केला आहे. दिल्लीच्या तिहार तुरूंगात आयएसचा एक दहशतवादी आणि जम्मू-काश्मीरमध्ये राहणार्‍या दाम्पत्याला दिल्लीहून अटक करण्यात आली. तिहार जेलमध्ये बंद दहशतवादी जेलच्या आतून मासिकाचा कंटेंट पाठवत होता.
दरम्यान, हे प्रकरण एनआयएने हाती घेतले आणि याप्रकरणी पुण्यातून अटकही करण्यात आली होती. व्हॉईस ऑफ इंडिया मासिकाचे प्रकाशन करून आयएस खुरासान मॉड्यूल टेलीग्राम वाहिनीत प्रसिद्ध केले जात असून मोठ्या प्रमाणात रेडिक्लायझेशनचे काम केले जात असल्याचा दावा एजन्सीने केला होता. 2020 मधील दिल्ली दंगलींच्या छायाचित्रांसह व्हॉईस ऑफ इंडिया मासिकामध्ये बराच चिथावणीखोर कंटेंट देखील प्रकाशित करण्यात आला होता. एजन्सीचा दावा होता की, आयएस खुरासान मॉड्यूलचे लोक व्हॉईस ऑफ इंडिया मासिक प्रकाशित करीत आहेत, ज्यांचा मुख्य हँडलर अफगाणिस्तानात बसला आहे.