Jammu Kashmir: जम्मू-काश्मीरच्या पुलवामा जिल्ह्यात शनिवारी भारतीय सुरक्षा दल आणि दहशतवाद्यांमध्ये चकमक सुरू आहे. यात आतापर्यंत तीन दहशतवाद्यांना कंठस्नान घालण्यात भारतीय सुरक्षा दलाच्या जवानांना यश आलं आहे. तिन्ही दहशतवादी जैश-ए-मोहम्मद या दहशतवादी संघटनेचे असल्याचं समोर आलं आहे. (Jammu and Kashmir: Encounter in Awantipora of Pulwama district, security forces surrounded the area, terrorists are hiding in the forest)
दक्षिण काश्मीरमध्ये नागबेरान त्रालच्या वन क्षेत्रात घाट परिसरात दहशतवाद्यांचा वावर असल्याचं माहिती मिळताच सुरक्षा दलानं याठिकाणी शोध मोहीम सुरू केली होती. याच दरम्यान, दहशतवाद्यांनी सुरक्षा दलाच्या जवानांवर गोळीबार करण्यास सुरुवात केली आणि चकमकीला सुरुवात झाली. यात तीन दहशतवाद्यांचा खात्मा करण्यात आला आहे. तर अजूनही शोध मोहीम सुरू आहे, अशी माहिती सुरक्षा दलाच्या अधिकाऱ्यांनी दिली आहे.