कामठी.....

विवाह सोहळ्यात दोन जोडपी विवाहबद्ध
जुनी कामठी येथे आयोजन : शिवमंदिरात महाशिवरात्री उत्सव
कामठी : जुनी कामठी येथील शिवमंदिर (कामठेश्वर) येथे महाशिवरात्री उत्सव पार पडला. उत्सवानिमित्त दुसऱ्या दिवशी आयोजित सामूहिक विवाह सोहळ्यात दोन जोडपी विवाहबद्ध झाली.
सामूहिक विवाह सोहळ्यात जुनी कामठी येथील वधू वनिताचा विवाह फेटरी येथील लीलाधर खडाते यांच्याशी तर दुसरी वधू माधुरी हिचा कन्हान-पिपरी येथील हरीश वरखडे यांच्याशी विवाह संपन्न झाला. विवाह सोहळ्यानंतर मंदिर पंचकमिटीच्या जिजाताई आसोले, बाबुलाल हिरणवार, महादेव मामीलकर, अशोक अग्रवाल, अनिल गंडालिया, युगचंद छल्लानी, प्रकाश सिरिया, उत्तम सायरे, श्याम खंते आदींनी नवदाम्पत्यांना भेटवस्तू व आशीर्वाद दिले. त्यानंतर महाप्रसादाला सुरुवात झाली. यावेळी हजारो भाविकांनी महाप्रसादाचा लाभ घेतला. (तालुका प्रतिनिधी)