19 वर्षांचं नातं काही सेकंदांत तुटलं! WhatsApp वरून दिला पत्नीला तलाक

By ऑनलाइन लोकमत | Published: August 22, 2020 10:48 AM2020-08-22T10:48:53+5:302020-08-22T11:00:51+5:30

WhatsApp वरून एका पतीने पत्नीला तलाक दिला आहे. पीडित पत्नीने पोलिसांत धाव घेतली असून न्याय मिळण्याची मागणी केली आहे.

madhya prades husband said talaq talaq talakq on whatsapp call case filed | 19 वर्षांचं नातं काही सेकंदांत तुटलं! WhatsApp वरून दिला पत्नीला तलाक — 19 वर्षांचं नातं काही सेकंदांत तुटलं! WhatsApp वरून दिला पत्नीला तलाक

भोपाळ - तिहेरी तलाकविरोधी कायदा लागू झाला असला तरी महिलांवरील अत्याचाराच्या घटना समोर येत आहेत. मध्य प्रदेशात अशीच एक घटना उघडकीस आली. अवघ्या काही सेकंदात 19 वर्षांचं नातं तुटल्याची घटना घडली आहे. WhatsApp वरून एका पतीने पत्नीला तलाक दिला आहे. पीडित पत्नीने पोलिसांत धाव घेतली असून न्याय मिळण्याची मागणी केली आहे. महिलेला दोन मुलं असल्याची माहिती मिळत आहे.

मध्य प्रदेशचे मुख्यमंत्री शिवराजसिंह चौहान यांनी महिलेला न्याय देण्याचं आश्वासन देत कारवाई करण्याचे निर्देश पोलिसांना दिले आहेत. मिळालेल्या माहितीनुसार, महिलेचा पती बंगळुरुतील एका हॉटेलमध्ये मॅनेजर आहे. गेल्या काही वर्षांपासून तो पत्नीला त्रास देत होता. सतत पैशाची मागणी करत होता. त्यानंतर त्याने आता WhatsApp वरून पत्नीला तलाक दिला आहे.

My husband, children & I are citizens of Singapore & OCI cardholders. I fear that my husband may leave the country with my children. The CM has assured me to speak to authorities in Bengaluru: Alveena Imam Quraishi, who was allegedly given instant talaq by her husband, in Bhopal https://t.co/ZjK4wzVx0G
— ANI (@ANI) August 21, 2020

महिलेने याप्रकरणी मुख्यमंत्र्यांची भेट घेऊन न्याय मिळावा अशी मागणी केली आहे. शिवराज सिंह चौहान यांनी आता या प्रकरणाची गंभीर दखल घेतली आहे. 'माझ्या या बहिणीला न्याय मिळवून देणार, महिलांच्या आयुष्याशी कोणीही खेळू शकत नाही. दोषींच्या विरोधात योग्य ती कारवाई करण्याचे आदेश पोलिसांना देण्यात आले आहेत असं ट्विटही मुख्यमंत्र्यांनी केलं आहे. एका हिंदी वेबसाईटने याबाबतचे वृत्त दिले आहे.

मेरी इस बहन को मैं न्याय दिलाऊंगा।

महिलाओं की इज़्ज़त के साथ कोई भी किसी तरह का खिलवाड़ नहीं कर सकता। मैं कर्नाटक के मुख्यमंत्री से भी इस मामले को लेकर बात करने वाला हूँ।

दोषी के खिलाफ उचित कार्रवाई की जाएगी, इसके निर्देश मैंने पुलिस अधिकारियों को दे दिए हैं। pic.twitter.com/kl5Dh8D82n
— Shivraj Singh Chouhan (@ChouhanShivraj) August 21, 2020