The Burning Train: मध्य प्रदेशात बर्निंग ट्रेन, धावत्या गाडीला आग लागून दोन डबे खाक
By ऑनलाइन लोकमत | Published: November 26, 2021 06:30 PM2021-11-26T18:30:35+5:302021-11-26T18:30:48+5:30
Burning Train In Madhya Pradesh: मध्य प्रदेशमधील मुरैना-धौलपूरजवळ आज बर्निंग ट्रेनचे धक्कादायक चित्र दिसले. वैष्णोदेवी येथून येत असलेल्या दुर्ग-उधमपूर ट्रेनला मध्य प्रदेशमधील मुरैना-धौलपूर येथे आग लागली. या आगीमुळे ट्रेनमधील एसी बोगी ए-१ आणि ए-२ हे पूर्णपणे जळून खाक झाले.
The Burning Train: मध्य प्रदेशात बर्निंग ट्रेन, धावत्या गाडीला आग लागून दोन डबे खाक
Next भोपाळ - मध्य प्रदेशमधील मुरैना-धौलपूरजवळ आज बर्निंग ट्रेनचे धक्कादायक चित्र दिसले. वैष्णोदेवी येथून येत असलेल्या दुर्ग-उधमपूर ट्रेनला मध्य प्रदेशमधील मुरैना-धौलपूर येथे आग लागली. या आगीमुळे ट्रेनमधील एसी बोगी ए-१ आणि ए-२ हे पूर्णपणे जळून खाक झाले. दरम्यान, आग लागलेल्या दोन्ही डब्यांना ड्रेनपासून वेगळे करण्यात आले आहे. आग लागलेल्या डब्यांमधून अन्य डब्यांमध्ये पसरल्याने गोंधळाचे वातावरण पसरले. दरम्यान, फायर ब्रिगेडचे आठ बंब आगीवर नियंत्रण मिळवण्याचा प्रयत्न करत होते. त्यानंतर काही वेळाने ट्रेनला ग्वाल्हेरकडे रवाना करण्यात येईल. सध्या ही ट्रेन मुरैना जिल्ह्यातील हेतमपूर स्टेशनवर उभी आहे.
या घटनेनंतर एका प्रवाशाने प्रसारमाध्यमांना सांगितले की, आम्ही झोपलेलो होतो. त्याचवेळी काही जळाल्याचा वास आला. अचानक आग, आग असा ओरडा ऐकू आला. आम्ही पाहिले असता डब्यामध्ये खूप धूर भरला होता. आम्ही डब्यातील लोकांना खाली उतरण्यास सांगितले आणि पटापट सामान उतरवून घेतले. दरम्यान, एक मुलगी बेशुद्ध झाली होती. तिला इतर सहकाऱ्यांच्या मदतीने खाली उतरवण्यात आले.
Morena, Madhya Pradesh | Udhampur-Durg Express's A1 & A2 coaches reported fire due to unknown reasons after leaving the Hetampur Railway Station; no casualties were reported & passengers have been evacuated: Dr Shivam Sharma, CPRO/NCR
— ANI (@ANI) November 26, 2021
(Video Courtesy: Unverified Source) pic.twitter.com/xzRnk7Xja2