महाआघाडीला ओवेसी बंधूंचा दिलासा

बिहार निवडणुकीच्या राजकारणात नवा रंग भरणाऱ्या हैदराबादच्या ओवेसी बंधूंनी लालूप्रसाद, नितीशकुमार आणि काँग्रेसच्या महाआघाडीला तूर्त तरी मोठा दिलासा दिला आहे.

- सुरेश भटेवरा,  नवी दिल्लीबिहार निवडणुकीच्या राजकारणात नवा रंग भरणाऱ्या हैदराबादच्या ओवेसी बंधूंनी लालूप्रसाद, नितीशकुमार आणि काँग्रेसच्या महाआघाडीला तूर्त तरी मोठा दिलासा दिला आहे. सीमांचलच्या किशनगंज जिल्ह्यात ४ आणि शेजारच्या अररिया जिल्ह्यात २ अशा अवघ्या ६ जागांवर अ.भा. मजलिसे इत्तेहादूल मुसलमीन तथा एमआयएमचे उमेदवार आपले भाग्य अजमावणार आहेत, अशी माहिती ओवेसींच्या निकटवर्तीयांकडून दिल्लीत प्राप्त झाली. बिहारचा सीमांचल हा बहुसंख्य मुस्लिम मतदारांचे प्राबल्य असलेला भाग आहे.