'छोटा पोपटने काँग्रेसला बरबाद केले', राहुल गांधींच्या 'सेफ' विधानावर भाजपचा पलटवार

काँग्रेस नेते राहुल गांधी यांनी आज पंतप्रधान मोदींच्या 'एक हैं तो सेफ हैं विधानावरुन निशाणा साधला. या टीकेला आता भाजपाने प्रत्युत्तर दिले.

विधानसभा निवडणुकीच्या प्रचाराचा आज शेवटचा दिवस होता. दरम्यान, निवडणूक प्रचाराच्या शेवटच्या दिवशी सर्वच पक्षांनी एकमेकांविरोधात टीका केल्या. आज सोमवारी काँग्रेस खासदार राहुल गांधी यांनी पंतप्रधान मोदींच्या 'एक हैं तो सेफ हैं' या घोषणेवर जोरदार टीका केली. आज पत्रकार परिषदेत त्यांनी एक पोस्टर दाखवले, यामध्ये पीएम मोदींसोबत उद्योगपती गौतम अदानी यांचा फोटो होता. या फोटोच्या खाली लिहिले होते, एक हैं तो सेफ हैं, या पोस्टरवरुन राहुल गांधी यांनी धारावी प्रकल्पाबाबत पीएम मोदी आणि महायुती सरकारवर टीका केली.

“लोकांचे प्रश्न सोडवायची धमक, पुढच्या पिढीची गरज, युगेंद्रला निवडून द्या”: शरद पवार

काँग्रेस नेते राहुल गांधी यांच्या आरोपानंतर भाजपनेही नवी दिल्लीत पत्रकार परिषद घेऊन काँग्रेसवर निशाणा साधला. या पत्रकार परिषदेत भाजपचे प्रवक्ते संबित पात्रा यांनी विरोधी पक्षनेते राहुल गांधी यांच्या आरोपांना जोरदार प्रत्युत्तर दिले. संबित पात्रा यांनी राहुल गांधींवर खालच्या पातळीवरील पीसीचा आरोप केला. संबित पात्रा म्हणाले की, अशा प्रकारचे डावपेच आणि ड्रामाने भरलेले वक्तृत्व सर्वोच्च घटनात्मक पदावर असलेल्या नेत्याला शोभत नाही, परंतु ते नेहमीच काही खास साध्य करण्यात अपयशी ठरतात, असंही पात्रा म्हणाले.

संबित पात्रा म्हणाले, काँग्रेस पक्षाचे चारित्र्यामुळे 'एक हैं तो सेफ हैं ' याचा चुकीचा समज निर्माण झाला आहे. यावेळी संबित पात्रा यांनी बाळासाहेब ठाकरेंचा उल्लेख करताना म्हटले की, बाळासाहेब ठाकरे यांना एका मुलाखतीत राहुल गांधींबद्दल विचारले असता ते चिडले. ते म्हणाले होते की, अहो, मला त्या पोपटाबद्दल विचारू नका. आता देशातील प्रत्येक नागरिक म्हणेल, 'छोटा पोपटने काँग्रेसचा नाश केला', असा पलटवारही पात्रा यांनी केला.

'सेफ'चा अर्थ त्यांच्या भावनांप्रमाणेच आहे. आमचे नेते पीएम मोदींच्या 'एक हैं तो सेफ हैं' या घोषणेमध्ये 'सेफ' म्हणजे सुरक्षा आहे, अंसही पात्रा म्हणाले.

संबित पात्रा म्हणाले की, पंतप्रधान मोदींना भारतातील लोकांना घुसखोरांपासून कसे सुरक्षित ठेवायचे याची काळजी आहे. त्याचबरोबर तिजोरीचा अर्थ कॅश रजिस्टर असाही होतो, जो राहुल गांधींना समजतो.काँग्रेस तिजोरी फोडते. गेली अनेक वर्षे आजोबा, आजोबा, आजी, वडील आणि आई या तिघांनी मिळून तिजोरी फोडण्याचे काम केले आहे,असा आरोपही पात्रा यांनी केला.

#WATCH | Delhi: BJP leader Sambit Patra says, "...The press conference done by the Congress leader and Lok Sabha LoP Rahul Gandhi was of a very low level. It does not suit the Congress party and Rahul Gandhi to bring a 'tijori' and do drama around it...'Chota popat ne kiya hai… pic.twitter.com/HzkdgIIw2h

— ANI (@ANI) November 18, 2024