KhelRatna: PM मोदींनी केली खेलरत्नचं नाव बदलण्याची घोषणा; CM योगींनी दिली अशी प्रतिक्रिया

Major Dhyan Chand Khel Ratna : उत्तर प्रदेशचे मुख्यमंत्री योगी आदित्यनाथ यांनी पंतप्रधान नरेंद्र मोदी यांचे आभार मानले आहेत. पंतप्रधानांच्या या घोषनेनंतर मुख्यमंत्री योगी आदित्यनाथ यांनी ट्विट केले आहे.

लखनौ - केंद्र सरकारने खेलरत्न पुरस्काराला हॉकीचे जादूगार मेजर ध्यानचंद यांचे नाव देण्याची घोषणा केली आहे. यानंतर, उत्तर प्रदेशचे मुख्यमंत्री योगी आदित्यनाथ यांनी पंतप्रधान नरेंद्र मोदी यांचे आभार मानले आहेत. पंतप्रधानांच्या या घोषनेनंतर मुख्यमंत्री योगी आदित्यनाथ यांनी ट्विट केले आहे. सुमारे 30 वर्षांपूर्वी हा पुरस्कार माजी पंतप्रधान राजीव गांधी यांच्या नावाने सुरू करण्यात आला होता. (Major Dhyan Chand khel ratan award cm yogi adityanath expressed his gratitude to pm Narendra Modi says respect for the entire sports world)

पंतप्रधान नरेंद्र मोदी यांनी खेलरत्न पुरस्काराचे नाव बदलण्याच्या घेतलेल्या निर्णयावर मुख्यमंत्री योगी आदित्यनाथ म्हणाले, "उत्तर प्रदेशात जन्मलेले हॉकीचे जादूगार मेजर ध्यानचंद जी यांच्या नावाने खेलरत्न पुरस्काराचे नाव, हा असंख्य क्रीडाप्रेमींचा आणि संपूर्ण क्रीडा जगताचा सन्मान आहे. उत्तर प्रदेशच्या वतीने, आपले मनापासून आभार, आदरणीय पंतप्रधान जी!"

उत्तर प्रदेश में जन्मे हॉकी के जादूगर मेजर ध्यानचंद जी के नाम पर खेल रत्न पुरस्कार का नामकरण असंख्य खेल प्रेमियों व सम्पूर्ण खेल जगत का सम्मान है।

उत्तर प्रदेश की ओर से आपका हृदय से आभार आदरणीय प्रधानमंत्री जी!

— Yogi Adityanath (@myogiadityanath) August 6, 2021

हा तर लक्ष भरकटवण्याचा डाव; काँग्रेसनं सांगितलं खेलरत्न पुरस्काराचं नाव बलण्यामागचं मोदींचं 'राजकारण'

मोदींचे ट्विट -
"मला संपूर्ण भारतातील नागरिकांकडून खेलरत्न पुरस्काराचे नाव मेजर ध्यानचंद ठेवण्याबाबत आग्रह केला जात होता. लोकांच्या या भावनेचा सन्मान राखत, यापूढे खेलरत्न पुरस्कार मेजर ध्यानचंद पुरस्कारने ओळखले जाईल, असे ट्विट पंतप्रधान मोदींनी केले आहे.

I have been getting many requests from citizens across India to name the Khel Ratna Award after Major Dhyan Chand. I thank them for their views.

Respecting their sentiment, the Khel Ratna Award will hereby be called the Major Dhyan Chand Khel Ratna Award!

Jai Hind! pic.twitter.com/zbStlMNHdq

— Narendra Modi (@narendramodi) August 6, 2021

काँग्रेसची प्रतिक्रिया -
पक्षाचे मुख्य प्रवक्ते रणदीप सुरजेवाला म्हणाले, माजी पंतप्रधान राजीव गांधी, हे देशाचे नायक आहेत. ते पुरस्कारासाठी नव्हे, तर त्यांच्या होतात्म्यासाठी, विचारांसाठी आणि आधुनिक भारताच्या निर्मितीसाठी ओळखले जातात. राजीव गांधी या देशासाठी नायक होते, आहेत आणि राहतील. याच बरोबर, हॉकीचे जादूगार मेजर ध्यानचंद यांच्या प्रति व्यक्त करण्यात आलेल्या सन्मानाचे काँग्रेस स्वागत करते. मात्र, नरेंद्र मोदीजींनी क्षुल्लक राजकीय हेतूंसाठी त्यांचे नाव ओढले नसते तर बरे झाले असते. तथापि, आम्ही खेल रत्न पुरस्काराला मेजर ध्यानचंद यांचे नाव देण्याच्या निर्णयाचे स्वागत करतो,'' असेही सुरजेवाला म्हणाले.

“मेजर ध्यानचंद महान खेळाडू, हॉकीचे जादूगार होते, पण...”; संजय राऊतांनी दिली प्रतिक्रिया

नरेंद्र मोदी स्टेडियमचे नाव बदला -
काँग्रेसने म्हटले आहे, की "आता आम्हाला आशा आहे की, देशातील खेळाडूंच्या नावावरच आणखी स्टेडियम आणि योजनांची नावेही ठेवली जातील. सर्वप्रथम नरेंद्र मोदी स्टेडियमचे नाव बदला, अरुण जेटली स्टेडियमचे नाव बदला. भाजप नेत्यांच्या नावाने तयार करण्यात आलेल्या स्टेडियम्सची नावं बदला. आता स्टेडियमचे नाव पीटी उषा, मिल्खा सिंग, सचिन तेंडुलकर, सुनील गावस्कर, अभिनव बिंद्रा, लिएंडर पेस, पुलेला गोपीचंद आणि सानिया मिर्झा यांच्या नावावर ठेवा.

खेलरत्न पुरस्काराचा इतिहास -
खेलरत्न पुरस्काराची सुरुवात १९९१-९२ मध्ये झाली होती. तेव्हा या पुरस्काराचे नाव देशाचे माजी पंतप्रधान राजीव गांधी यांच्या नावावर ठेवले गेले होते. क्रिडा क्षेत्रातील उल्लेखनीय कामगिरी करणाऱ्या खेळाडूंना या पुरस्काराने गौरवण्यात येत होते. खेळाडूंना सन्मानित करून त्यांची प्रतिष्ठा वाढवणे, यासाठी राजीव गांधी खेलरत्न पुरस्कार दिला जात होता. मात्र आता हा पुरस्कार मेजर ध्यानचंद खेलरत्न पुरस्कार म्हणून ओळखला जाणार आहे.