ऑनलाइन टीम
कोलकाता, दि. ८ - लोकसभा निवडणुकीत राजकीय नेत्यांची प्रचाराची पातळी दिवसेगणिक खालावत असून पश्चिम बंगालच्या मुख्यमंत्री ममता बॅनर्जींनी मोदींना थेट गाढव म्हणून संबोधले आहे. ममता बॅनर्जींच्या या विधानाने आता राजकीय वर्तुळात तीव्र पडसाद उमटत आहे.
ममता बॅनर्जी व मोदींमध्ये गेल्या काही दिवसांपासून जोरदार वाक् युध्द सुरु आहे. पश्चिम बंगालमध्ये घुसखोरी करणा-या बांग्लादेशींवरुन मोदी व ममता बॅनर्जींमध्ये आरोपप्रत्यारोपांच्या फैरी सुरु आहेत. कोलकाता येथे बुधवारी ममता बॅनर्जींनी प्रचार सभा घेतली. या प्रचारसभेत मोदींवर पलटवार करताना त्यांची जीभ घसरली. पश्चिम बंगालमधील घुसखोर बांग्लादेशींना हुसकावून लावू असे मोदी म्हणाले होते. यावर टीका करताना ममता बॅनर्जींनी मोदींना गाढव म्हणून संबोधित केले. आम्ही मोदींना पश्चिम बंगालमध्ये प्रचार करु देतो हा आमचा उदारपणा आहे. अन्यथा त्यांना विमानतळावरुनच पॅक करुन परत पाठवले असते असे विधानही ममता बॅनर्जींनी केले आहे.