मिग -29K प्रशिक्षण विमान अरबी समुद्रात कोसळले; दोनपैकी एक पायलट बेपत्ता

MiG-29K Crash : गेल्या वर्षभरातील मिग -29K विमानाला झालेला हा तिसरा अपघात आहे.

भारतीय नौदलाचे मिग -29K प्रशिक्षण विमान गुरुवारी सायंकाळी 5 च्या सुमारास अरबी समुद्रात कोसळले. यामध्ये एका पायलटला वाचविण्यात यश आले असून दुसरा पायलट बेपत्ता आहे. या पायलटला शोधण्याची मोहिम सुरु आहे. 

गेल्या वर्षभरातील मिग -29K विमानाला झालेला हा तिसरा अपघात आहे. नौदलाने या अपघाताची माहिती देताना सांगितले की, 26 नोव्हेंबरला सायंकाळी 5 वाजण्याच्या सुमारास मिग-29के हे प्रशिक्षणासाठी वापरले जाणारे विमान समुद्रात अपघातग्रस्त झाले. या अपघाताची चौकशी करण्याचे आदेश देण्यात आले आहेत.