वडाळानाक्यावर तरुणीचा विनयभंग

नाशिक : बहिणीसोबत जाणार्‍या अल्पवयीन मुलीचा विनयभंग केल्याची घटना वडाळानाका परिसरात घडली आहे़ बुधवारी (दि़१) सायंकाळी ६ वाजेच्या सुमारास एक अल्पवयीन मुलगी आपल्या बहिणीसमवेत आयशा मस्जिद येथून पायी जात होती़ त्यावेळी संशयित तौसिन (पूर्ण नाव माहिती नाही) तिथे आला व उद्यानात फिरण्यासाठी सोबत चला असा दम दिला़ या मुलींनी त्यास नकार देताच त्याने विनयभंग केला़ या प्रकारामुळे घाबरलेल्या मुलींनी आरडा-ओरड करताच त्याने तेथून पळ काढला़ यानंतर मुलींनी भद्रकाली पोलीस ठाणे गाठून संशयिताविरोधात विनयभंगाची फिर्याद दिली आहे़ (प्रतिनिधी)