प्रेमासाठी अनेक लोक वाटेल ते करतात. प्रेमाचे अनेक भन्नाट किस्से देखील पाहायला मिळतात. बिहारमधील एका तरुणाला त्याच्या प्रेयसीला भेटण्यासाठी गुपचूप येणं चांगलंच महागात पडलं आहे. रात्री गर्लफ्रेंडला गुपचूप भेटण्यासाठी बॉयफ्रेंड आला पण कुटुंबीयांनी या दोघांना एका बंद खोलीत पकडलं आणि थेट लग्नच लावल्याची घटना समोर आली आहे. बिहारच्या मोतिहारीमध्ये प्रियकर-प्रेयसी यांचं जबरदस्तीने लग्न केल्याचा एक व्हिडिओ सोशल मीडियावर जोरदार व्हायरल होत आहे. व्हायरल झालेला व्हिडिओ हरसिद्धी पोलीस ठाण्याच्या हद्दीतील आहे.
तुफान व्हायरल झालेल्या व्हिडिओमध्ये तरुण आणि तरुणीचा लग्न सोहळा पाहायला मिळत आहे. प्रेयसीला भेटण्यासाठी प्रियकर रात्री तिच्या घरी पोहोचल्याचे सांगितले जात आहे. मुलीच्या घराजवळ अनोळखी गाडी उभी असल्याचे पाहून गावात एकच कुजबुज सुरू झाली. गावकऱ्यांनी मुलीच्या नातेवाईकांच्या मदतीने तिच्या घराची झडती घेतली. झडतीमध्ये एका बंद खोलीत प्रियकर-प्रेयसीला आक्षेपार्ह अवस्थेत पकडण्यात आले. त्यानंतर रात्री उशिरा गावातील एका मठात नेऊन गावकऱ्यांनी त्याचं लग्न लावून दिलं.
रात्री उशिरा झालेल्या लग्नाचा व्हिडिओ सध्या सोशल मीडियावर चांगलाच व्हायरल होत आहे. हरसिद्धी पोलीस ठाण्याच्या हद्दीतील ओल्हा मेहता टोला पंचायतीच्या प्रभाग क्रमांक एकमधील मिसिरिया मठात शुक्रवारी रात्री गावकऱ्यांनी प्रेमीयुगुलांचे लग्न लावून दिले. गावकरी आणि कुटुंबासमोर परस्पर संमतीने दोघेही विवाहाच्या बंधनात बांधले गेले.
गायघाट पंचायतीच्या बराहरपूर येथील रहिवासी राजेश राम यांचा मुलगा पवन कुमार याचे ओल्हा मेहता टोला पंचायतीच्या रामपुरवा मिसिरिया येथे राहणाऱ्या एका मुलीशी काही दिवसांपासून प्रेमसंबंध होते. दोघे अनेकदा गुपचूप भेटत होते. रात्री कुटुंबीयांनी त्याला आक्षेपार्ह अवस्थेत पाहिले. यानंतर दोघांनीही एकमेकांसोबत जगण्याची आणि मरण्याची शपथ घेऊन लग्न केल्याची चर्चा सुरू केली. त्याची संमती पाहून गावकऱ्यांनी शिवमंदिरात परस्पर संमतीने त्यांचे लग्न लावून दिले. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"