"आज दिल्लीही माझ्या वडिलांसमोर नतमस्तक"; केंद्रीय मंत्र्यांच्या मुलाचे विधान चर्चेत

केंद्रीय कृषीमंत्री शिवराज सिंह चौहान यांच्या मुलाने केलेल्या विधानाची आता सगळीकडे चर्चा सुरु झालीय.

Shivraj Singh Chauhan : मध्य प्रदेशचे माजी मुख्यमंत्री शिवराज सिंह चौहान यांची सहाव्यांदा खासदार झाल्यानंतर थेट केंद्रीय मंत्रिमंडळात वर्णी लागली आहे. शिवराज सिंह चौहान पहिल्यांदाच केंद्रात मंत्री झाले. शिवराज सिंह चौहान यांची गणना भाजपच्या ताकदवान नेत्यांमध्ये केली जाते. त्यामुळे आता दिल्लीत गेल्याने चौहान यांचे राजकीय वजन आणखी वाढलं आहे. अशातच आता त्यांच्या पुत्राने केलेल्या एका विधानाची सध्या सगळीकडे चर्चा सुरु झालीय.आज दिल्लीसुद्धा माझ्या वडिलांसमोर नतमस्तक झाली आहे, असे विधान शिवराज सिंह चौहान यांच्या पुत्राने केलं आहे.

मध्य प्रदेशातील सेहोर जिल्हा मध्य प्रदेशचे माजी मुख्यमंत्री आणि सध्या केंद्रीय मंत्री शिवराज सिंह चौहान यांचा बालेकिल्ला आहे. त्यांचे कुटुंबीयही या भागातील राजकारणात चांगलेच सक्रिय आहेत. अशातच केंद्रीय कृषिमंत्री शिवराज सिंह चौहान यांचा मुलगा कार्तिक चौहान आणि त्यांची आई साधना सिंह यांनी भेरुंडा, सिहोर येथे आयोजित कामगार कौतुक परिषदेत सहभाग घेतला होता. या परिषदेत कार्तिकेय आणि साधना सिंह यांनी बुधनी विधानसभा मतदारसंघातून शिवराज सिंह चौहान यांच्या ऐतिहासिक विजयाबद्दल जनतेचे आभार मानले. या कार्यक्रमादरम्यान केंद्रीय कृषिमंत्री शिवराज सिंह चौहान यांनी व्हिडिओ कॉन्फरन्सिंगद्वारे कामगारांना संबोधित केले. यावेळी कार्तिकेय चौहान यांनी बोलताना हे विधान केलं.

लोकसभा निवडणुकीतील दणदणीत विजयानंतर संपूर्ण दिल्ली आपल्या वडिलांसमोर नतमस्तक झाल्याचे कार्तिक चौहान यांनी म्हटले आहे. कार्तिक चौहान यांच्या भाषणाचा व्हिडीओ सध्या सोशल मीडियावर तुफान व्हायरल होत आहे. मध्य प्रदेशातील विदिशा मतदारसंघातून शिवराज सिंह चौहान विजयी झाले आहेत. चौहान यांच्या मुलाच्या या वक्तव्यावर काँग्रेसचे प्रदेशाध्यक्ष जितू पटवारी यांनी टोमणा मारला आहे. याचा अर्थ दिल्ली घाबरली असून पक्षांतर्गत असंतोष निर्माण होण्याची भीती आहे, असं जितू पटवारी म्हणाले.

"बुधनी विधानसभा मतदारसंघातील जनतेने दीड लाख मतांनी विजय मिळवून दिला आहे. तुम्ही आपल्या नेत्याला सतत आशीर्वाद दिले आहेत. परिसरातील जनतेने शिवराजजींना बुधनी विधानसभेचे सहा वेळा आमदार केले आहे, ते एकमेव नेते आहेत ज्यांच्यावर परिसरातील जनतेने निवडणूक लढवली आहे. मी तुमच्या चरणी प्रणाम करतो. शिवराजजी मुख्यमंत्री असताना ते दिल्लीला मुख्यमंत्री म्हणून जात असत, पण आता ते मुख्यमंत्री नसल्यामुळे ते अधिक लोकप्रिय झाले आहेत. ते मोठा विजय मिळवून दिल्लीला गेले आहेत. आज दिल्लीही नतमस्तक आहे. संपूर्ण दिल्ली त्याला ओळखते. काश्मीरपासून कन्याकुमारीपर्यंतच्या बड्या नेत्यांमध्ये त्यांची गणना होते. हे सर्व केवळ तुमच्यामुळेच शक्य झाले आहे," असे कार्तिक चौहान यांनी म्हटलं.

"या जगाने आमची खूप परीक्षा घेतली. २०२३ च्या निवडणुकीत अनेक बोटे आमच्याविरुद्ध उठली होती, पण तुम्ही त्यांना चोख प्रत्युत्तर दिले आहे. आपण सर्व  एक आत्मा आहोत. २०२३ मध्ये लोक म्हणाले की सरकार बनवणे कठीण आहे. मात्र अशा विरोधकांना आणि विचारवंतांना राज्यातील जनतेने चोख प्रत्युत्तर दिले," असेही कार्तिक चौहान यांनी म्हटलं.