एक कोटीच्या दागिन्यांची चोरी, मोलकरीण अटकेत, मायंत्रा या ई कॉमर्स कंपनीचे मुख्य कार्यकारी अधिकारी अनंत नारायणन यांच्या घरी चोरी

सोने आणि दागिने मिळून एक कोटी रुपयांच्या चोरी प्रकरणी मोलकरणीला अटक करण्यात आली. मायंत्रा या ई कॉमर्स कंपनीचे मुख्य कार्यकारी अधिकारी अनंत नारायणन यांच्या येथील घरी मोलकरीण भवानी मुप्पुदत्ती (२५) हिने ही चोरी केली होती.

बंगळुरू : सोने आणि दागिने मिळून एक कोटी रुपयांच्या चोरी प्रकरणी मोलकरणीला अटक करण्यात आली. मायंत्रा या ई कॉमर्स कंपनीचे मुख्य कार्यकारी अधिकारी अनंत नारायणन यांच्या येथील घरी मोलकरीण भवानी मुप्पुदत्ती (२५) हिने ही चोरी केली होती.सोने आणि हि-यांचे दागिने असा एक कोटीचा ऐवज मोलकरणीने चोरल्याची तक्रार ६ सप्टेंबर रोजी नारायणन यांनी दिली होती. भवानीने ही चोरी केल्याचे कबूल करून ते तिचा नियोजित पती सुरेश कुमार व त्याची सहकारी पुष्पा यांच्याकडे दिल्याचे सांगितले. दोघांचा शोध सुरू आहे. चोरीस गेलेला ऐवज ताब्यात घेण्यासाठी न्यायालयीन प्रक्रियेतून जावे लागेल, असे पोलिसांनी सांगितले.