ऑनलाइन लोकमत
श्रीनगर, दि. १ - जम्मू-काश्मीरमधील पुँछ जिल्ह्यात पाकिस्तानने भारतीय चौक्यांवर गोळीबार करत पुन्हा शस्त्रसंधीचे उल्लंघन केले.
अधिका-यांनी दिलेल्या माहितीनुसार, पाकिस्तानी सैनिकांनी मध्यरात्री व पहाटेच्या सुमारास पुँछ जिल्ह्यातील कृष्णघाटी सेक्टरमधील प्रत्यक्ष नियंत्रण रेषेवरील ( एलओसी) भारतीय चौक्यांवर गोळीबार केला. सुदैवाने त्यात कोणीही जखमी झाले नाही. पाकिस्तानच्या या आगळिकीनंतर भारतीय जवानांनीही गोळीबार करत त्यांना चोख प्रत्युत्तर दिले.