एटा : निवासी क्षेत्रामध्ये असलेल्या फटाक्यांच्या फॅक्टरीमध्ये मोठा स्फोट झाला. या स्फोटामध्ये 7 जण ठार झाले असून मृतदेह घटनास्थळापासून 50 मीटर अंतरावर जाऊन पडले आहेत. तर जवळपास 15 मिनिटे स्फोटांचे आवाज येत होते.
मिरहची कस्बा येथे ही दुर्घटना घडली. यामध्ये सातजण ठार झाले असून डझनभर जखमी झाले आहेत. तर गंभीर जखमींपैकी सात जणांना जिल्हा हॉस्पिटलमध्ये पाठविण्यात आले आहे. ज्या घरामध्ये स्फोट झाला ते घर जमीनदोस्त झाले आहे. यासह आजुबाजुच्या घरांचीही पडझड झाली आहे. स्फोचाची तीव्रता एवढी होती की मृतदेह हवेत उडून 50 मीटर दूर जाऊन पडले होते. जिल्हाधिकाऱ्यांनी चौकशीचे आदेश दिले आहेत.