प्रादेशिक माध्यमांमुळे पत्रकारितेत अधिक परिपक्वता; संजय बारू यांचं मत
By ऑनलाइन लोकमत | Published: May 30, 2023 09:09 PM2023-05-30T21:09:42+5:302023-05-30T22:25:39+5:30
लोकमत एडिटोरिअल बोर्डाचे चेअरमन व माजी खासदार डॉ. विजय दर्डा यांच्या ‘रिंगसाइड- अप, क्लोज ॲण्ड पर्सनल ऑन इंडिया ॲण्ड बियॉण्ड’ या नवीन पुस्तकाचे प्रकाशन करण्यात आले.
प्रादेशिक माध्यमांमुळे पत्रकारितेत अधिक परिपक्वता; संजय बारू यांचं मत
Next नवी दिल्ली: काँग्रेस नेते डॉ. शशी थरूर यांच्या हस्ते आज(30मे) लोकमत एडिटोरिअल बोर्डाचे चेअरमन व माजी खासदार डॉ. विजय दर्डा यांच्या ‘रिंगसाइड- अप, क्लोज ॲण्ड पर्सनल ऑन इंडिया ॲण्ड बियॉण्ड’ या नवीन पुस्तकाचे प्रकाशन करण्यात आले. रफी मार्ग, नवी दिल्ली येथील कॉन्स्टिट्यूशन क्लब ऑफ इंडियाच्या स्पीकर हॉलमध्ये पुस्तकाचा प्रकाशन सोहळा पार पडला.
माजी पंतप्रधान डॉ.मनमोहन सिंग यांचे सल्लागार आणि लेखक डॉ.संजय बारू यांचीही यावेळी प्रमुख उपस्थिती होती. यावेळी बोलताना डॉ. संजय बारू म्हणाले की, प्रादेशिक माध्यमांमुळे पत्रकारितेत अधिक परिपक्वता येते आणि ती तुलनेने अधिक केंद्रित असते. आजही प्रादेशिक माध्यमे खूप चांगले काम करत आहेत. संजय बारू हे स्वतः महाराष्ट्रातून येतात. याचा संदर्भ देत ते म्हणाले की, मी तेलंगतू आलो आहे आणि विजय दर्डा विदर्भातून आले आहेत, दोन्ही ठिकाणे भारताची विविधता दर्शवतात.
Heartfelt gratitude to @ShashiTharoor ji, @varungandhi80 Ji, @Munilokesh ji, @sardesairajdeep ji, @ShekharGupta ji, Farooq Abdullah ji, @praful_patel ji, @Barugaru1 ji and all my well-wishers, family, & readers for the love & adulation at the launch of my book RINGSIDE in Delhi… pic.twitter.com/2LiMmIUy3m
— Vijay Darda (@vijayjdarda) May 30, 2023
लोकमत मीडिया ग्रुपच्या एडिटोरियल बोर्डाचे अध्यक्ष आणि माजी खासदार डॉ. विजय दर्डा यांचे 'रिंगसाइड-अप, क्लोज आणि पर्सनल ऑन इंडिया अँड बियॉंड' हे नवीन पुस्तक त्यांच्या साप्ताहिक लेखांचे संकलन आहे. 2011 ते 2016 दरम्यान लोकमत मीडिया ग्रुप आणि देशातील इतर प्रमुख राष्ट्रीय आणि प्रादेशिक दैनिकांमध्ये प्रकाशित झाले आहेत.
'रिंगसाइड'मध्ये विज्ञान, पर्यावरण, अर्थव्यवस्था, सुरक्षा, सामाजिक विकास, क्रीडा, कला, संस्कृती, परराष्ट्र धोरण आणि राष्ट्रीय आणि आंतरराष्ट्रीय घडामोडींवर संशोधन केलेले लेख आहेत. यामध्ये भारत आणि जगाच्या सामाजिक, राष्ट्रीय आणि आंतरराष्ट्रीय विकासात महत्त्वपूर्ण योगदान दिलेल्या प्रख्यात व्यक्तींवर केलेली भाष्य देखील आहेत.
प्रसिद्ध अँकर, सल्लागार संपादक, इंडिया टुडे टेलिव्हिजन राजदीप सरदेसाई यांनी पुस्तक प्रकाशन सोहळ्यात डॉ. विजय दर्डा यांच्याशी पुस्तकावर चर्चा केली. या चर्चेतून श्रोत्यांना पुस्तकाची निर्मिती आणि लेखक विजय दर्डा यांच्या अनुभवांची ओळख झाली. या कार्यक्रमाला राष्ट्रवादीचे नेते प्रफुल्ल पटेल आणि नॅशनल कॉन्फरन्सचे फारुख अब्दुल्लाही उपस्थित होते.