राहुल गांधींकडून प्रौढांसाठी मोफत सेक्सची घोषणा होईल, मधुपूर्णिमा यांचं वादग्रस्त ट्विट

राहुल गांधींनी नुकतीच बेरोजगारांना किमान वेतन देण्याची घोषणा केली. देशात काँग्रेसचं सरकार आल्यास जनेतेला विविध योजना देण्याचं राहुल गांधींकडून सांगण्यात येत आहे.

नवी दिल्ली - आगामी लोकसभा निवडणुकांच्या तयारीच्यादृष्टीने काँग्रेसकडून जोरदारी तयारी सुरू आहे. नुकतेच प्रियंका गांधी यांची काँग्रेसच्या सरचिटणीसपदी निवड करण्यात आली. त्यानंतर, काँग्रेस अध्यक्ष राहुल गांधींकडून घोषणांचा वर्षाव सुरू आहे. राहुल गांधींच्या या घोषणांचा समाचार विचारवंत मधुपूर्णिमा किश्वर यांनी घेतला आहे. राहुल गांधी आता प्रौढांसाठी फ्री सेक्सचीही घोषणा करतील, असे किश्वर यांनी म्हटले आहे. 

राहुल गांधींनी नुकतीच बेरोजगारांना किमान वेतन देण्याची घोषणा केली. देशात काँग्रेसचं सरकार आल्यास जनेतेला विविध योजना देण्याचं राहुल गांधींकडून सांगण्यात येत आहे. 2019 च्या लोकसभा निवडणुकीत काँग्रेसला विजय मिळवून देण्यासाठी काँग्रेस अध्यक्ष राहुल गांधींनी कंबर कसली आहे. सत्तेत आल्यास गरिबांना दरमहा निश्चित वेतन देण्याचे आश्वासन दिल्यानंतर आता राहुल गांधी यांनी महिलांसाठीही महत्त्वाचे आश्वासन दिले. 2019 साली सत्तेत आल्यास अनेक वर्षांपासून प्रलंबित असलेले महिलाआरक्षण विधेयक संसदेमध्ये पारित करून घेऊ असे राहुल गांधींनी म्हटले होते.

राहुल गांधींच्या या घोषणांचा समाचार विचारवंत मधुपुर्णिमा किश्वर यांनी घेतला आहे. किश्वर या दिल्लीत प्राध्यापक असून ह्युमन राईट संघटनेच्या संस्थापक आहेत. ट्विटवरवर त्यांचे तब्बल 2.04 मिलियन्स फॉलोवर्स आहेत. थोडं थांबा, राहुल गांधी प्रौढांसाठी मोफत सेक्सचीही लवकरच घोषणा करतील. प्रत्येक पुरुषाला वर्षातून ठराविक दिवस फ्री सेक्स देण्याची घोषणा राहुल गांधींकडून होईल, असे ट्विट किश्वर यांनी केलं. किश्वर यांच्या या ट्विटवर नेटीझन्सकडून संमिश्र प्रतिक्रिया येत आहेत. मात्र, या ट्विटला मोठ्या प्रमाणात ट्रोल करण्यात येत असून त्यांच्यावर टीकेची झोड उठली आहे. 

Wait till Rahul Gandhi also promises free sex for every adult male for a certain number of days every year! https://t.co/5McRMIr9Fb

— MadhuPurnima Kishwar (@madhukishwar) January 29, 2019