नॉन-एसी फ्लाइटमध्ये घाम पुसण्यासाठी दिला टिश्यू पेपर, काँग्रेस नेत्याने शेअर केला व्हिडीओ; नेमकं प्रकरण काय?

काँग्रेस नेते अमरिंदर सिंग राजा यांनी इंडिगो फ्लाइटमधील एक व्हिडीओ शेअर केला आहे.

पंजाबकाँग्रेस कमिटीचे अध्यक्ष अमरिंदर सिंग राजा यांनी इंडिगो फ्लाइटची विचित्र घटना शेअर केली आहे. चंदीगड ते जयपूर या ९० मिनिटांच्या विमान प्रवासादरम्यान विमानातील एसीच काम करत नसल्याचा दावा त्यांनी केला. दरम्यान, एअर होस्टेसने लोकांना घाम पुसण्यासाठी टिश्यू पेपर दिले. ते इंडिगोच्या 6E7261 मध्ये प्रवास करत होते.

"नसरुल्लाहपासून माझ्या आणि मुलांच्या जीवाला धोका"; अंजूच्या नवऱ्याची पोलिसांत धाव

अमरिंदर सिंग राजा यांनी विमानाच्या आतील एक व्हिडीओ शेअर केला. यामध्ये प्रवासी रुमालने स्वतःला वारा घेत असल्याचे दिसत आहे. यात त्यांनी लिहिले की, कडक उन्हात १० किंवा १५ मिनिटे रांगेत उभे राहिल्यानंतर जेव्हा विमानात पोहोचलो तेव्हा कळले की एसीच काम करत नाही. आम्हाला धक्काच बसला. टेकऑफपासून लँडिंगपर्यंत एसी बंद असल्याने संपूर्ण प्रवासात आम्हाला काळजी करावी लागली. या वृत्तीवर कोणीही गांभीर्याने विचारले नाही, असं या पोस्टमध्ये लिहिले आहे. 

अमरिंदर सिंग राजा म्हणाले, एअरहोस्टेसने यावेळी प्रवाशांना घाम पुसण्यासाठी टिश्यू पेपर दिले. अनेक महिला आणि मुले अस्वस्थ झाली. अशा स्थितीत बळजबरीने प्रवासी स्वत:च्या हाताने पंखा लावत होते. हा मोठा तांत्रिक दोष होता पण त्यांना फक्त पैसे कमवायचे आहेत. यासाठी ते जनतेच्या आरोग्याशी खेळत आहेत. इतर कोणालाही असा त्रास सहन करावा लागू नये यासाठी त्यांनी डीजीसीएकडे विमान कंपनीवर कारवाई करण्याची मागणी केली आहे.

एका दिवसात इंडोगोमध्ये हा तिसरा मोठा तांत्रिक दोष दिसून आला. यावेळी पाटण्याहून दिल्लीला जाणाऱ्या इंडिगोच्या विमानाचे पाटणा विमानतळावरच आपत्कालीन लँडिंग करावे लागले. त्याच्या एका इंजिनमध्ये बिघाड झाल्याचे सांगण्यात आले. मात्र, विमान सुरक्षितपणे उतरवण्यात आले. दुसरीकडे, रांचीहून दिल्लीला जाणारे विमान तासाभरात विमानतळावर परतले, त्यातही बिघाडाची तक्रार होती.

Had one of the most horrifying experiences while traveling from Chandigarh to Jaipur today in Aircraft 6E7261 by @IndiGo6E. We were made to wait for about 10-15 minutes in the queue in the scorching sun and when we entered the Plane, to our shock, the ACs weren't working and the… pic.twitter.com/ElNI5F9uyt

— Amarinder Singh Raja Warring (@RajaBrar_INC) August 5, 2023