सोनिया गांधी यांच्यासोबत बैठकीनंतर उद्धव ठाकरे यांचा दौरा पूर्ण; सुनीता केजरीवाल आणि अन्य नेत्यांची घेतली भेट

यावेळी उद्धव ठाकरे यांच्यासह आदित्य ठाकरे आणि पक्षाचे इतर नेत्यांनी सोनिया गांधी यांची त्यांच्या १०, जनपथ येथील निवासस्थानी भेट घेतली. आदल्या दिवशी उद्धव ठाकरे यांनी अरविंद केजरीवाल यांच्या पत्नी सुनीता केजरीवाल यांचीही भेट दिली. केजरीवाल हे सध्या तिहार तुरुंगात आहेत.

हरीश गुप्ता -

नवी दिल्ली : शिवसेना पक्षप्रमुख (उद्धव सेना) आणि महाराष्ट्राचे माजी मुख्यमंत्री उद्धव ठाकरे यांचा राजधानीचा तीन दिवसीय दौरा काँग्रेसच्या ज्येष्ठ नेत्या सोनिया गांधी आणि कुटुंबातील इतर सदस्य, राहुल गांधी आणि प्रियांका गांधी यांच्यासोबत चहापानानंतर पूर्ण झाला.   

यावेळी उद्धव ठाकरे यांच्यासह आदित्य ठाकरे आणि पक्षाचे इतर नेत्यांनी सोनिया गांधी यांची त्यांच्या १०, जनपथ येथील निवासस्थानी भेट घेतली. आदल्या दिवशी उद्धव ठाकरे यांनी अरविंद केजरीवाल यांच्या पत्नी सुनीता केजरीवाल यांचीही भेट दिली. केजरीवाल हे सध्या तिहार तुरुंगात आहेत.

या भेटीने हे देखील अधोरेखित केले आहे की ते देखील एक मोठी समस्या सोडवण्यास उत्सुक आहेत. कारण ‘आप’ने आगामी विधानसभा निवडणुकीत मुंबईतील सर्व ३६ जागा लढविण्याचे जाहीर केले आहे. ‘आप’ने निवडणुकीसाठी आधीच ‘व्यापक’ तयारी सुरू केल्याचे सांगितले. सपा आणि डावे पक्ष देखील राज्यात विधानसभेच्या काही जागा लढविण्यास इच्छुक आहेत. २०१९ च्या निवडणुकीत सपाने ७ जागा लढविल्या होत्या आणि दोन जागा जिंकल्या होत्या. शेतकरी स्वाभिमान नेते राजू शेट्टी आणि एआयएमआयएम यांच्यात तिसरी आघाडी निर्माण होण्याची शक्यता असल्याने महाविकास आघाडी चिंतेत आहे.

उमेदवार आणि पक्षांना तयारी करता यावी यासाठी जागावाटपाचा फॉर्म्युला लवकर ठरवावा, अशी उद्धव ठाकरेंची इच्छा आहे. लहान पक्षांना सामावून घेता येईल की नाही याचा निर्णय एमव्हीए नेतृत्वाला घ्यायचा आहे. 

महायुतीने एकनाथ शिंदे यांच्या नेतृत्वाखाली निवडणूक लढवली होती, त्याप्रमाणे उद्धव ठाकरे यांना महाविकास आघाडीचा मुख्यमंत्रीपदाचा चेहरा म्हणून घोषित करण्यात यावे, अशी इच्छा शिवसेना नेते खासगीत व्यक्त करत आहेत. उद्धव ठाकरे यांच्या बाजूने आता व्यापक एकमत होत असल्याचे दिसून येत आहे.