ऑनलाइन लोकमत
चेन्नई, दि. १५ - अंडयाचे कवच एकदम नाजूक असते. कवचावर थोडा जरी दाब पडला तर लगेच अंड फुटते. त्यामुळे खाण्यापूर्वी अंड जपून हाताळावे लागते. याच अंडयाच्या क्रेटवर बसून एकही अंड फुटू न देता कोणी योगासने करुन दाखवली तर ?.
तामिळनाडूमध्ये इहनिया अरुण या सहावर्षाच्या मुलीने अंडयाच्या क्रेटवर योगासनातील पद्मासनाचा प्रकार करुन दाखवला. इहनियाने तीस अंडयाच्या क्रेटमधील एकही अंडे फुटू न देता पद्मासन करुन दाखवले.
जवळपास अर्धातास ती पद्मासनाच्या आसनामध्ये बसली होती. इहनियाचे वजन १८ किलो आहे. अशा प्रकारचा योगामध्ये तिने एक वेगळा विक्रम केला आहे.