Video - मित्रांसोबत हसत-खेळत गप्पा मारताना 'तो' खाली कोसळला; कॅमेऱ्यात रेकॉर्ड झाला 'मृत्यू'

प्रकाश सिंह बघेल हा चौकात असलेल्या एका दुकानात आपल्या मित्रांसोबत हसत-खेळत गप्पा मारत बसला होता.

मध्य प्रदेशातील रीवा येथील एका तरुणाच्या मृत्यूचा धक्कादायक व्हिडीओ समोर आला आहे. मित्रांसोबत हसत-खेळत बोलत असताना हार्ट अटॅकने तरुणाचा मृत्यू झाला. या तरुणाचा मृत्यू झाला त्यावेळचं सीसीटीव्ही फुटेज समोर आलं आहे. जे सध्या सोशल मीडियावर व्हायरल होत आहे.

रीवा शहरातील सिरमौर चौक येथील हा व्हिडीओ असल्याची माहिती समोर आली आहे. बजरंग नगरमधील रहिवासी प्रकाश सिंह बघेल हा चौकात असलेल्या एका दुकानात आपल्या मित्रांसोबत हसत-खेळत गप्पा मारत बसला होता. त्यानंतर अचानक तो जमिनीवर पडला आणि त्याचा जागीच मृत्यू झाला. 

एक और लाइव मौत;

मध्य प्रदेश के रीवा में दोस्तों के साथ हंसते-बोलते हुए एक युवक अचानक नीचे गिरा और उसकी मौके पर ही मौत हो गई।

डॉक्टर ने मौत का कारण हार्ट अटैक बताया है। देखि‍ए वीड‍ियो ..#Livedeath#MPNewspic.twitter.com/r8WAokupAx

— Vinay Saxena (@vinaysaxenaj) October 24, 2024

२० ऑक्टोबर रोजी ही घटना घडल्याचं सांगितलं जात आहे. मिळालेल्या माहितीनुसार, प्रकाश सिंह बघेल नावाचा तरुण आपल्या काही मित्रांसोबत एका दुकानात बसला होता. मित्रांसोबत त्याचं बोलणं सुरू होतं. मित्रही गप्पा मारत असल्याचं व्हिडीओमध्ये दिसत आहे. अशातच तो खाली पडला. 

घटनास्थळी उपस्थित असलेल्या मित्रांना नेमकं काय घडलं हे काही समजण्याआधीच तरुणाचा मृत्यू झाला. मित्रांनी लगेचच तरुणाला उपचारासाठी जवळच्या रुग्णालयात नेलं. मात्र तिथे हार्ट अटॅक हे मृत्यूमागचं कारण असल्याचं डॉक्टरांनी सांगितलं. या घटनेने सर्वांनाच धक्का बसला आहे.