मोठा अनर्थ टळला! हार्बर मार्गावरील खारकोपर इथं लोकलचे ३ डबे रुळावरून घसरले
By ऑनलाइन लोकमत | Published: February 28, 2023 10:05 AM2023-02-28T10:05:11+5:302023-02-28T11:54:34+5:30
या घटनेमुळे बेलापूर-खारकोपर-नेरुळ या मार्गावरील लोकल गाड्यांवर परिणाम झाला असून हा मार्ग तात्पुरता बंद करण्यात आला आहे.
मोठा अनर्थ टळला! हार्बर मार्गावरील खारकोपर इथं लोकलचे ३ डबे रुळावरून घसरले
Next नवी मुंबई - हार्बर रेल्वे मार्गावर आज सकाळी मोठी दुर्घटना टळली. बेलापूर ते खारकोपर लोकलचे ३ डबे खारकोपर स्थानकात रुळावरून घसरले. सकाळी ८.४६ मिनिटांनी ही घटना घडली. या घटनेत सुदैवाने कोणत्याही प्रवाशांना इजा झालेली नाही. घटनास्थळी मदतीसाठी बचाव पथकाची वाहने दाखल झाली असून डबे हटवण्याचे काम सुरू आहे.
दरम्यान, या घटनेमुळे बेलापूर-खारकोपर-नेरुळ या मार्गावरील लोकल गाड्यांवर परिणाम झाला असून हा मार्ग तात्पुरता बंद करण्यात आला आहे. मात्र हार्बर मार्गावरील इतर गाड्या वेळापत्रकानुसार धावत आहेत अशी माहिती जनसंपर्क अधिकारी शिवाजी सुतार यांनी दिली.
बेलापूरहून खारकोपर स्टेशनला जाणाऱ्या लोकल ट्रेनचे 3 डबे घसरले, कोणतीही जीवितहानी आणि जखमी नाही. विस्कळीत वाहतूक पूर्ववत करण्याचे काम सुरू (Video- संदेश रेणोसे) #HarbourRailwaypic.twitter.com/qMdQjsFkow
— Lokmat (@lokmat) February 28, 2023
3 coaches of Belapur to Kharkopar local train derailed while entering in Kharkopar station. Time 8.46am.
— Shivaji M Sutar (@ShivajiIRTS) February 28, 2023
There's no injury to any passengers
Relief trains have left for the site for restoration.
Repercussions: Trains on Belapur - Kharkopar - Nerul line are not running.